আমগুৰি, 12 মাৰ্চ: বৃহস্পতিবাৰে নিশা আমগুৰিত আৰক্ষীয়ে অবৈধ সুৰাৰ বিৰুদ্ধে অভিযান চলায় ৷ আমগুৰি আৰক্ষী থানাৰ ভাৰপ্ৰাপ্ত বিষয়াৰ নেতৃত্বত চলা এই অভিযানত আমগুৰিৰ দেওৰজাৰ ৰঞ্জন গগৈ নামৰ লোকজনৰ বাসগৃহৰ পৰা মাটিৰ তলত ড্ৰামত গেলাই ৰখা দহ হাজাৰৰো অধিক চুলাইৰ পাচ জব্দ কৰা হয় ৷
আমগুৰিত অবৈধ সুৰাৰ বিৰুদ্ধে আৰক্ষীৰ অভিযান
উল্লেখ্য যে, দীৰ্ঘদিন ধৰি দেওৰজা, মানটনীয়া, জেহেনীয়া, কমাৰচুক, চামগুৰি আদি অঞ্চলত দীৰ্ঘদিন ধৰি বহু পৰিয়ালে চুলাই ঘাটি বহুৱাই ব্যৱসায় চলাই আহিছিল ৷ এইক্ষেত্ৰত আমগুৰি আবকাৰী বিভাগে চুলাই ঘাটিসমূহ উচ্চেদৰ ক্ষেত্ৰত ব্যৰ্থ হোৱাত আমগুৰি আৰক্ষীয়ে নিজাববীয়া অভিযান আৰম্ভ কৰিছে । আমগুৰি আৰক্ষীৰ এনে পদক্ষেপক সচেতন মহলে আদৰণি জনাইছে ৷
