গুৱাহাটী, 3এপ্ৰিল: আই আই টি গুৱাহাটীত চাঞ্চল্যকৰ ঘটনা । প্ৰতিষ্ঠানখনৰ এগৰাকী ছাত্ৰীক যৌন নিৰ্যাতন চলোৱাৰ অভিযোগ ৷ ঘটনা সন্দৰ্ভত আটক কৰা হৈছে এজনক ৷
আই আই টি গুৱাহাটীত ছাত্ৰী নিৰ্যাতনৰ অভিযোগ
প্ৰাপ্ত খবৰ অনুসৰি, আই আই টি গুৱাহাটীত ২৮ মাৰ্চৰ মাজনিশা মুমুৰ্ষ অৱস্থাত উদ্ধাৰ হয় বহিঃ ৰাজ্যৰ এগৰাকী ছাত্ৰী ৷ ছাত্ৰী গৰাকীক মাদকদ্ৰব্য সেৱন কৰাই যৌন নিৰ্যাতন চলোৱা বুলি উত্থাপন হৈছে এক অভিযোগ ৷ এই অভিযোগৰ ভিত্তিতেই উত্তৰ গুৱাহাটী আৰক্ষীয়ে আটক কৰিছে প্ৰতিষ্ঠানখনৰেই এজন ছাত্ৰক ৷ ফাকুৱাৰ দিনাখন সংঘটিত হৈছিল এই জঘন্য ঘটনাটো ।
বৰ্তমান সমগ্ৰ ঘটনা সন্দৰ্ভত উত্তৰ গুৱাহাটী আৰক্ষীয়ে নিজাববীয়াকৈ আমিনগাঁও থানাত ৫৩/২১ নম্বৰত ভাৰতীয় দণ্ডবিধি আইনৰ অধীনত ৰুজু কৰিছে গোচৰ ।
অন্য এক খবৰৰ বাবে: কেমেৰাৰ সন্মুখতে ডুবিল যাত্ৰীসহ বলেৰ' গাড়ী
