গুৱাহাটী, 24 অক্টোবৰ: অসমীয়া চলচ্চিত্ৰ জগতৰ মহীৰূহ নিপন গোস্বামীৰ সোমবাৰে স্বাস্থ্যৰ অৱনতি ঘটে(Assam actor Nipon Goswami Falling Ill) ৷ গোস্বামীৰ শ্বাস প্ৰশ্বাসত অসুবিধা হোৱাৰ বাবে তৎকালীনভাৱে মহানগৰীৰ নেমকেয়াৰ হাস্পতালত(Nemcare Hospital) ভৰ্তি কৰা হয় ৷ বিশিষ্ট অভিনেতাগৰাকীক চিকিৎসালয়ত ভৰ্তি কৰাৰ পাছতেই হাস্পতালখনৰ হৃদৰোগ বিভাগৰ আইচিইউত ভৰ্তি কৰা হয় ৷
অভিনেতা নিপন গোস্বামী সম্প্ৰতি হাস্পতালখনৰ হৃদৰোগ বিশেষজ্ঞ, মেডিচিন বিশেষজ্ঞ আৰু হাওফাও বিশেষজ্ঞ চিকিৎসকৰ দলৰ নিৰীক্ষণত চিকিৎসাধীন হৈ আছে । অভিনেতাজন আই চি ইউত ভৰ্তি হৈ আছে যদিও বৰ্তমান তেওঁৰ স্বাস্থ্য সুস্থিৰ আৰু কোনো জটিলতা নাই বুলি জানিবলৈ দিয়ে হাস্পতাল কৰ্তৃপক্ষই ৷
উল্লেখ্য যে, অভিনেতাজন বহুদিনৰ পৰা হৃদৰোগত আক্ৰান্ত হৈ আছিল ৷ ইয়াৰ পূৰ্বে তেওঁ হৃদৰোগত আক্ৰান্ত হৈ জি এন আৰ চিত চিকিৎসাধীন হৈ আছিল । মঙলবাৰে অভিনেতাজনৰ বহুকেইটা গুৰুত্বপূৰ্ণ স্বাস্থ্য পৰীক্ষা কৰা হ'ব বুলি চিকিৎসালয় কৰ্তৃপক্ষই জানিবলৈ দিয়ে ।
লগতে পঢ়ক: AIR Dibrugarh Assamese news : কাইলৈৰ পৰা শুনিবলৈ নাপাব অসমীয়া ভাষাত সম্প্ৰচাৰিত আঞ্চলিক বাতৰি
