গুৱাহাটী, ৯ জানুৱাৰী : দেওবাৰে পুৱতি নিশা মহানগৰীত সংঘটিত হয় এক ভয়ংকৰ পথ দুৰ্ঘটনা (Road Accident in Guwahati) ৷ এই দুৰ্ঘটনাত থিতাতে নিহত হয় এটা দম্পতী ৷ নিহত দম্পতীটোক পথতে ৰক্তাক্ত অৱস্থাত উদ্ধাৰ কৰে ভৰলুমুখ যান-বাহন আৰক্ষীয়ে ৷ পেছাত পাচলি ব্যৱসায়ী আছিল তেওঁলোক ৷
পুৱা নিজৰ LML Vespa স্কুটাৰখনেৰে ধীৰেণপাৰাৰ পৰা মাছখোৱালৈ পাচলি নিবলৈ আঁহোতে ফটাশিলত দুৰ্ঘটনাটো সংঘটিত হয় ৷ অচিনাক্ত বালি কঢ়িওৱা বাহনে তেওঁলোকক খুন্দা মাৰি পলায়ন কৰাৰ সন্দেহ প্ৰকাশ কৰিছে আৰক্ষীয়ে ৷ মৃত দম্পতীটো বিজয় সৰকাৰ (57) আৰু পুতুলী সৰকাৰ (52) বুলি জানিব পৰা গৈছে ৷
ঘটনাৰ খবৰ পোৱাৰ পিছতে ঘটনাস্থলীত আৰক্ষী উপস্থিত হৈ তেওঁলোকক উদ্ধাৰ কৰি হাস্পতাললৈ প্ৰেৰণ কৰে যদিও দুয়ো গৰাকীক চিকিৎসকে মৃত বুলি ঘোষণা কৰে ৷ ঘটনা সন্দৰ্ভত ইতিমধ্যে আৰক্ষীয়ে তদন্ত আৰম্ভ কৰিছে ৷
লগতে পঢ়ক : Minor girl rescue in kolkata : কলকাতাত উদ্ধাৰ বৰপেটাৰোডৰ সন্ধানহীন কিশোৰী
