জালুকবাৰী, 24 এপ্ৰিল: পুৱাৰে পৰা মহানগৰীৰ জালুকবাৰীত অভাৱনীয় যানজঁট । শৰাইঘাট দলঙৰ পৰায়ে সৃষ্টি হয় এই যানজঁটৰ । ঘণ্টাৰ পিছত ঘন্টা একে ঠাইতে আৱদ্ধ হৈ পৰে যানবাহন সমূহ। উল্লেখ্য যে, বিগত বহুদিন ধৰি মেৰামতিৰ বাবে বন্ধ হৈ আছে শৰাইঘাটৰ পুৰণি দলং । যাৰ বাবে শৰাইঘাটৰ নতুন দলঙেৰে চলি আছে যাতায়ত । ইফালে মংগলবাৰে নামনি অসমত অনুষ্ঠিত ভোটগ্ৰহণ প্ৰক্ৰিয়াত অংশ লোৱাৰ বাবে গুৱাহাটীৰ পৰা নিজ সংসদীয় সমষ্টিলৈ ৰাওনা হৈছিল ভোটাৰসকল । বুধবাৰে ভোটদান কৰি সকলো উভতিল মহানগৰীলৈ, যাৰ ফলত বৃদ্ধি পালে যানজঁট । আনহাতে বৰ্তমান ঘটনাস্থলীত জালুকবাৰী যানবাহন আৰক্ষী উপস্থিত হৈ যানজঁট নিয়ন্ত্ৰণ কৰিবলৈ চেষ্টা অব্যাহত ৰাখিছে ।
জালুকবাৰীত অভাৱনীয় যানজঁট
