আজি দিল্লীত অন্তোষ্টিক্ৰিয়া সম্পন্ন হ'ব কেন্দ্ৰীয় মন্ত্ৰী সুৰেশ অংগডীৰ
কেন্দ্ৰীয় ৰাজ্যিক ৰেলৱে' মন্ত্ৰী সুৰেশ অংগডীৰ ক'ভিড-19 ত আক্ৰান্ত হৈ মৃত্যু ৷ আজি ৰাজধানী দিল্লীত সম্পন্ন হ'ব মৃতদেহৰ অন্তিম সংস্কাৰ ৷
সুৰামত্ত ই-ৰিক্সা চালকক গণপ্ৰহাৰ
গণপ্ৰহাৰৰ সন্মুখীন হৈছে এগৰাকী ই-ৰিক্সা চালক ৷ নগাঁৱত সংঘটিত হৈছে এই ঘটনা ৷ নিশা হ’লেই অত্যধিক সুৰাপান কৰি চহৰখনৰ হয়বৰগাঁৱত ত্ৰাসৰ সৃষ্টি কৰিছিল কামালউদ্দিন নামৰ ই-ৰিক্সা চালকজনে ৷
এবছৰৰ ভিতৰত কাৰ্যকৰী হ’ব অসম চুক্তিৰ 6 নং দফা : শিলাদিত্য দেৱ
অসম চুক্তিৰ 6 নং দফা এবছৰৰ ভিতৰত কাৰ্যকৰী হোৱাৰ সম্ভাৱনা আছে বুলি মন্তব্য হোজাই সমষ্টিৰ বিধায়ক শিলাদিত্য দেৱৰ । এই ক্ষেত্ৰত বিশেষভাৱে কেন্দ্ৰীয় আৰু ৰাজ্যিক চৰকাৰ সচেতন বুলি মন্তব্য শিলাদিত্য দেৱৰ ৷
আৰক্ষীৰ জালত দুৰ্ধৰ্ষ ট্ৰাক চোৰ
চাংসাৰিৰ সিন্দুৰীঘোপাৰ পৰা নিৰুদ্দেশ হোৱা এখন ট্ৰাক আৰক্ষীয়ে উদ্ধাৰ কৰে গোৱালপাৰাত ৷ লগতে আটক কৰে এই চুৰিত জড়়িত বঙাইগাঁৱৰ ফুলবৰ আলীক ৷ আলীয়ে চুৰি হোৱা ট্ৰাকখনৰ চালকৰূপে কৰ্মৰত আছিল ৷
মাজুলীত আছুৰ বিদ্যুৎ বিভাগৰ কাৰ্যালয় ঘেৰাও
মাজুলীত উজনি মাজুলী বিদ্যুৎ বিভাগৰ কাৰ্যালয় ঘেৰাও ৷ ঘন্টাজোৰা বিদ্যুত সেৱা কৰ্তনত অতীষ্ঠ হৈ আছুৰ উদ্যোগত মাজুলীবাসীৰ প্ৰতিবাদ ৷ উজনি মাজুলীস্থিত বিদ্যুৎ বিভাগৰ কাৰ্যালয়টোত দীৰ্ঘ দিনৰ পৰা অৰাজক পৰিস্থিতি উদ্ভৱ হৈ অহাৰ অভিযোগ ৷ সমগ্ৰ ঘটনাৰ উচিত তদন্তৰ লগতে ২৪ ঘণ্টাই বিদ্যুৎ যোগানৰ দাবী প্ৰতিবাদকাৰীৰ ৷ দাবী কাৰ্যকৰী নহলে অধিক কঠোৰ কাৰ্যসূচী গ্ৰহণ কৰাৰ হুংকাৰ ৷
কৃষকৰ ধৈৰ্যৰ বান্ধ নিছিঙিবলৈ চৰকাৰক আহ্বান কৃষক সভাৰ
প্ৰধানমন্ত্ৰী নৰেন্দ্ৰ মোডীৰ পুত্তলিকা দাহ কৰিলে নিখিল ভাৰত কৃষক সভাৰ টাপেশ্বৰা আঞ্চলিক সমিতিয়ে ৷ কৃষক বিধেয়কৰ বিৰুদ্ধে প্ৰতিবাদ সাব্যস্ত কৰি প্ৰধানমন্ত্ৰীলৈ বিভিন্ন সকীয়নি প্ৰেৰণ কৰে প্ৰতিবাদকাৰীয়ে ৷
পথ দুৰ্ঘটনাত থিতাতে নিহত যুৱক
শিৱসাগৰত বৃহস্পতিবাৰে পুৱা সংঘটিত হৈছে এক শোকাবহ পথ দুৰ্ঘটনা ৷ এখন তীব্ৰ বেগী মেজিকে বিপৰীত দিশৰ পৰা অহা বাইকত খুন্দা মৰাৰ ফলত থিতাতে নিহত হয় এগৰাকী যুৱক ৷ বাইকত অহা আন গৰাকী যুৱকৰ চিকিৎসালয়ত মৃত্যু ঘটে ৷
জুৰীয়াত কাঠ ফলা মিলসহ বৃহৎ পৰিমাণৰ চেগুণ কাঠ জব্দ
নগাঁও জিলা বন সংমণ্ডল বিষয়াৰ নেতৃত্বত বুধবাৰে কালিয়াডিঙিয়াৰ পাম গাঁৱত জুৰীয়া আৰক্ষীৰ সহযোগত কাঠফলা মিলৰ বিৰুদ্ধে এক অভিযান চলায় ৷ অভিযানত কাঠ ফলা মিলৰ লগতে বৃহৎ পৰিমানৰ চেগুণ কাঠ জব্দ কৰে অভিযানকাৰী দলটোৱে ৷
আৰ্থিক দীনতাই কোঙা কৰা মৰাণৰ এটা পৰিয়াল
পুত্ৰ-কন্যাক লৈ অসহায় মৰাণৰ এগৰাকী মহিলা ৷ আৰ্থিক দীনতাই কোঙা কৰি পেলাইছে তেওঁলোকক ৷ তাৰ পাচতো কোনো এখন চৰকাৰী আঁচনিয়েই ঢুকি পোৱা নাই আৰ্থিকভাৱে দুৰ্বল পৰিয়ালটোক ৷
অগপক সমষ্টি এৰি দিবলৈ অনিচ্ছুক টীয়কৰ দুই মণ্ডল বিজেপি
21 ৰ নিৰ্বাচনত টীয়ক সমষ্টি অগপক এৰি দিব নোখোজে টীয়ক সমষ্টিৰ বিজেপিৰ দুই মণ্ডলে ৷ কাৰ্যনিৰ্বাহক সভা অনুষ্ঠিত কৰি এই সিদ্ধান্ত কলিয়াপানী মণ্ডল বিজেপি আৰু চিপাহীখোলা মণ্ডল বিজেপিৰ ৷ 2016 ত মিত্ৰতাৰ প্ৰতি সন্মান জনাই অগপৰ এৰি দিয়া হৈছিল এই সমষ্টি ৷ এইবাৰ 21 ত অগপক সমষ্টিটো এৰি দিবলৈ আহ্বান টীয়ক বিজেপিৰ ৷
