সাত বজাৰ শীৰ্ষ দহ বাতৰি...

সাত বজাৰ শীৰ্ষ দহ বাতৰি...

একেটা দিনতে ৰাজ্যৰ ভিন্ন প্ৰান্তত CAA আৰু EIA বাতিলৰ দাবীৰে সদৌ অসম ছাত্ৰ সন্থাইয়ো প্ৰতিবাদী কাৰ্যসূচী ৰূপায়ন কৰে ৷ ৰাজ্যৰ আন প্ৰান্তৰ সমান্তৰালভাৱে সোণাপুৰতো আছুৱে সাব্যস্ত কৰিলে প্ৰতিবাদ ৷

6 নং দফা কমিটীৰ প্ৰতিবেদন সন্দৰ্ভত উচ্চতম ন্যায়ালয়ৰ জ্যেষ্ঠ অধিবক্তা উপমন্যু হাজৰিকাৰ প্ৰতিক্ৰিয়া ৷ কঠোৰ ভাষাৰে সমালোচনা মন্ত্ৰী হিমন্ত বিশ্ব শৰ্মাক ৷

নগাঁৱৰ ঔদ্যোগিক প্ৰশিক্ষণ প্ৰতিষ্ঠানৰ 9 গৰাকী শিক্ষাৰ্থীৰ দেহত পোৱা গৈছে COVID-19 ৰ অৱস্থিতি ৷ ইয়াৰে 3 গৰাকী শিক্ষাৰ্থীৰ দেহত দেওবাৰে আৰু 6 গৰাকীৰ দেহত সোমবাৰে ধৰা পৰে মহামাৰীৰ বিধৰ অৱস্থিতি ৷

বন্যহস্তীয়ে খাই তহিলং কৰিছে গোলাঘাটৰ নুমলীগড়ৰ পোৰাবাংলাৰ পথাৰৰ খেতিৰ ফচল ৷ নিৰুপায় হৈ কৃষকে চাই ৰ'বলগীয়া হৈছে চকুৰ সন্মুখতে নষ্ট হোৱা খেতি ৷

শিলঘাটত লংগৰত উচ্চ ক্ষমতাসম্পন্ন ট্ৰেন্সফৰ্মাৰ কঢ়িওৱা এখন জাহাজ ৰখোৱাৰ পাচতে অঞ্চলটোত জটিল ৰূপ ধাৰণ কৰিছে ব্ৰহ্মপুত্ৰৰ খহনীয়াই ৷

অসম চুক্তিৰ 6নং দফাত নাই গোৰ্খা জনগোষ্ঠীৰ নাম ৷ বিপ্লৱ কুমাৰ শৰ্মাৰ প্ৰতিবেদনক অগ্ৰাহ্য গোৰ্খা জনগোষ্ঠীয় সংগঠনৰ ৷ এই জনগোষ্ঠীৰ নাম অন্তৰ্ভূক্ত নহ’লে হুংকাৰ আন্দোলনৰ ৷

দক্ষিণ কামৰূপৰ বৰঝাৰ বিমানবন্দৰৰ সমীপৰ বঙৰাত সোমবাৰে দিনৰ ভাগত সংঘটিত হয় এক ভয়ংকৰ বাছ দুৰ্ঘটনা । গোৱালপাৰাৰ পৰা গুৱাহাটী অভিমুখী AS-25-CC-0786 নম্বৰৰ যাত্ৰীবাহি বাছ এখনে নিয়ন্ত্ৰন হেৰুৱাই পথৰ দাতিত থকা এডাল প্ৰকাণ্ড গছত খুণ্ডা মাৰে ।

ৰাজ্যজুৰি আক্ৰাছুৰ প্ৰতিবাদ ৷ জনজাতিকৰণ,পৃথক কমতাপুৰ ৰাজ‍্যৰ পুনৰ গঠন আদিৰ বাবে এই প্ৰতিবাদ আক্ৰাছুৰ ৷ ৰঙিয়া আৰু বঙাইগাঁৱতো আক্ৰাছুৱে পালন কৰে প্ৰতিবাদ ৷

সোমবাৰে নিজৰ বকেয়া ধন আদায়ৰ দাবীৰে প্ৰতিবাদ সাব্যস্ত কৰে প্ৰাগ বচিমি ছিন্থেটিক্ছ লিমিটেডৰ কৰ্মচাৰী সকলে ৷ ছিপাঝাৰৰ ১৫ নং ৰাষ্ট্ৰীয় ঘাইপথ অৱৰোধ প্ৰতিবাদ সাব্যস্ত কৰিলে কৰ্মচাৰী সকলে ৷

অসম গৌৰৱ কাজিৰঙা ৰাষ্ট্ৰীয় উদ্যানৰ গঁড়ৰ ওপৰত এক তথ্য চিত্ৰ নিৰ্মাণ কৰি উলিয়াইছে ইংলেণ্ডৰ প্ৰাক্তন ক্ৰিকেটাৰ কেভিন পিটাৰচেনে । আন্তঃৰাষ্ট্ৰীয় গড় দিৱসৰ দিনাই নেশ্য়নেল জিঅ’গ্ৰাফী চেনেলত নিশা 9 বজাত প্ৰচাৰ হ'ব এই তথ্য চিত্ৰ ৷ টুইটযোগে এই কথা প্ৰকাশ কৰিলে প্ৰাক্তন খেলুৱৈগৰাকীয়ে ৷