সন্ধিয়া সাত বজাৰ শীৰ্ষ দহ বাতৰি...

সন্ধিয়া সাত বজাৰ শীৰ্ষ দহ বাতৰি...

প্ৰতিৰক্ষা মন্ত্ৰী ৰাজনাথ সিঙৰ অধ্যক্ষতাত সীমান্ত পথ সংস্থাৰ সৈতে দিল্লীৰ চাউথ ব্ল'কত প্ৰায় এঘণ্টা ধৰি অনুষ্ঠিত হয় পৰ্যালোচনা বৈঠক। বৈঠকত পাকিস্তান-চীন সীমান্তৰ বাস্তৱিক নিয়ন্ত্ৰণ ৰেখাত পথ নিৰ্মান প্ৰকল্পৰ কাম-কাজৰ পৰ্যালোচনা কৰে।

মঙলবাৰে বাঘজান কাণ্ডই অতিক্ৰম কৰিলে 42 দিন ৷ কিন্তু আজিকোপতি নিৰ্বাপিত নহ’ল বাঘজানৰ জুই ৷ ক্ষুব্ধ গাঁৱবাসীয়ে এই কাৰ্যৰ প্ৰতিবাদ জনাই অগ্নিকাণ্ড সংঘটিত হোৱা স্থানলৈ সমদল বাহিৰ কৰি গৈ আত্মজাহৰ ভাবুকি প্ৰদান কৰে ৷

আইপিএলৰ আয়োজনক লৈ বিচিচিআইৰ বিষয়াৰ গুৰুত্বপূৰ্ণ মন্তব্য । সকলো পক্ষৰ সহমতৰ অন্তত চূড়ান্ত সিদ্ধান্ত গ্ৰহণ কৰাৰ কথা উল্লেখ । লগতে খেলুৱৈৰ সুৰক্ষা প্ৰথম অগ্ৰাধিকাৰ বুলি কয় বিষয়াগৰাকীয়ে ।

গোলাঘাট সমষ্টিৰ বিধায়িকা অজন্তা নেওগ বিজেপিত যোগদান কৰিব বুলি প্ৰকাশ পোৱা বাতৰিটোৰ বিৰুদ্ধে সৰৱ হৈ পৰে অজন্তা নেওগ ৷ নিজৰ স্থিতি স্পষ্ট কৰি সাংবাদ মাধ্যমলৈ প্ৰতিলিপি প্ৰেৰণ কৰে বিধায়িকা গৰাকীয়ে ৷

বৰ্ডাৰ ৰোডছ অৰ্গেনাইজেশ্বন, চমুকৈ বিআৰঅ'ই পূৱ লাডাখত এখন দলং নিৰ্মাণ সম্পূৰ্ণ কৰি তোলে ৷ চীনৰ সৈতে উদ্ভৱ হোৱা পৰিস্থিতিৰ প্ৰতি লক্ষ্য ৰাখি এইদৰে কম সময়ৰ ভিতৰত দলংখনৰ নিৰ্মাণকাৰ্য সম্পূৰ্ণ কৰি তোলে সীমান্তত আন্তঃগাঁথনি নিৰ্মাণকাৰী চৰকাৰী সংস্থাটোৱে ৷

কৰ'ণা ভাইৰাছৰ ভয়াৱহ সংক্ৰমণৰ বাবেই ৯ জুলাইৰ পৰা ১৩ জুলাইলৈ হ'ব লগীয়া আজাৰা কেওতপাৰাস্থিত শ্ৰী শ্ৰী মা মনসা মন্দিৰৰ মনসা পূজা বাতিল কৰিলে মন্দিৰ পৰিচালনা সমিতিয়ে ৷

বাক্সাত ৰামেশ্বৰ মুৰ্মুৰ হত্যাকাণ্ডৰ লগত জড়িত দোষীক উচিত শাস্তিৰ দাবীত তীব্ৰ প্ৰতিবাদ সাব্যস্ত কৰে ৷ আদিবাসী চেংগল অভিযান নামৰ সংগঠনটোৰ সদস্য সকলে সাব্যস্ত কৰে প্ৰতিবাদ ৷

মহাৰাষ্ট্ৰৰ পাছতে তামিলনাডুত সৰ্বাধিক লোক আক্ৰান্ত হৈছে কোভিড-১৯ ত। এই ভাইৰাছৰ সংক্ৰমণ বৃদ্ধি হোৱাৰ প্ৰতি লক্ষ্য ৰাখি চেন্নাইৰ গুইন্দি (Guindy) চহৰত কোভিড ৰোগীৰ বাবে মুকলি কৰা হয় এখন হাস্পতাল । তামিলনাডুৰ মুখ্যমন্ত্ৰী এডাপ্পাডী কে. পালানীস্বামীয়ে মুকলি কৰে এই বিশেষ হাস্পতালখন ।

উচ্চতম ন্যায়ালয়ে মংগলবাৰে য়ুনিটেক লিমিটেডৰ প্ৰমোটৰ সঞ্জয় চন্দ্ৰক ১ মাহৰ বাবে জামিনত মুকলি কৰাৰ নিৰ্দেশ প্ৰদান কৰে । কাৰণ তেওঁৰ পিতৃ-মাতৃক শাৰীৰিক অসুস্থতাৰ বাবে চিকিৎসালয়ত ভৰ্তি কৰোৱা হৈছে । ন্যায়ধীশ ডী বাই চন্দ্ৰচুঢ় আৰু এম আৰ ছাহৰ বিচাৰপীঠে এমাহৰ বাবে জামিনত মুকলি কৰাৰ নিৰ্দেশ প্ৰদান কৰে ।

সোমবাৰে এক ভাৰ্চুৱেল সংবাদমেল সম্বোধন কৰি আৰক্ষী সঞ্চালক প্ৰধান ভাস্কৰজ্যোতি মহন্তই কয় যে, অসম আৰক্ষীত এই পৰ্যন্ত 220 গৰাকী লোক কোভিড-19ত আক্ৰান্ত হৈছে । আক্ৰান্তসকলৰ মাজৰ একাংশ সুস্থ হৈ উঠিছে আৰু 171 গৰাকী আৰক্ষী বৰ্তমান চিকিৎসাধীন হৈ আছে ।