তিনি বজাৰ শীৰ্ষ দহ বাতৰি...

তিনি বজাৰ শীৰ্ষ দহ বাতৰি...

আৰক্ষীৰ জিম্মাত নিৰপৰাধী ব্যক্তিৰ মৃত্যু কোনো নতুন ঘটনা নহয় ৷ আমাৰ দেশত প্ৰতিদিনে 15 টা এনেকুৱা ঘটনা সংঘটিত হয় আৰু ইয়াৰ ভিতৰত 9গৰাকীয়ে মৃত্যুক সাৱতি লয় ৷ ৰাষ্ট্ৰীয় মানৱ অধিকাৰ আয়োগে প্ৰকাশ কৰা অনুসৰি, এনেকুৱা অধিকাংশ ঘটনাই পোহৰলৈ নাহে ৷ এইক্ষেত্ৰত আৰক্ষী ব্যৱস্থাৰ সংস্কাৰৰ ব্যাপক প্ৰয়োজন আছে ৷ আইনৰ শাসন বলৱৎ কৰা বিশ্বৰ 126 খন দেশৰ ভিতৰত ভাৰতৰ স্থান 68 সংখ্যক ৷ এক আঠ-দফীয়া নীতিৰ আধাৰত ভাৰতে আইন-শৃংখলা নিৰ্ধাৰণৰ ক্ষেত্ৰত 111 স্থানত আছে ৷

অঙ্গনাবাড়ী কেন্দ্ৰ সমূহৰ অন্তৰ্গত গাঁও অঞ্চলৰ পুষ্টিহীনতাত ভুগি থকা প্ৰতিগৰাকী শিশুক চিনাক্তকৰণ কৰি স্বাস্থ্য সন্মত বিধান আৰু পুষ্টি যোগান ধৰাই পোষণ মাহৰ লক্ষ্য ।

‘শ্বহীদ দিৱস’ উপলক্ষে ভাৰতীয় স্বাধীনতা সংগ্ৰামৰ প্ৰথম মহিলা শ্বহীদ তথা গহপুৰৰ সু-সন্তান কনকলতা বৰুৱাক স্মৰণ গহপুৰ কংগ্ৰেছৰ ৷ কনকলতা বৰুৱাৰ নামত গহপুৰত এখন মহাবিদ্যালয় স্থাপন কৰিবলৈ চৰকাৰক আহ্বান কংগ্ৰেছ কৰ্মীৰ ৷

গোলাঘাট নগৰৰ এৰেঙ্গাপাৰ, বেঙেনাখোৱা, তেতেলীতল, ৰঙাজান, শান্তিপুৰত এতিয়াও ড্ৰাগছৰ ৰমৰমীয়া বেহা চলি থকাৰ স্বীকাৰোক্তি দিয়ে কৰায়ত্ব কৰা ড্ৰাগছ ব্যৱসায়ীয়ে ৷

ধুবুৰী জিলাৰ চাপগড় গাঁও পঞ্চায়তত বিভিন্ন আঁচনি ৰূপায়ণত দুৰ্নীতিৰ অভিযোগ উত্থাপন হৈছে। পঞ্চায়ত কাৰ্য্যালয় আন্তঃগাঁথনিৰ নামতো ধন আত্মসাতৰ অভিযোগ ৰাইজৰ ।

প্ৰচুৰ পৰ্যটনৰ সম্ভাৱনাৰ প্ৰতি লক্ষ্য ৰাখি কলিয়াবৰত আলহী ঘৰ বা হোম ষ্টে' নিৰ্মাণ কৰা হৈছে ৷ দেশ-বিদেশৰ পৰ্যটকৰ মাজত কলিয়াবৰৰ ভিন্ন সমল সমূহ প্ৰচাৰ আৰু প্ৰসাৰৰ উদ্দেশ্যে মহকুমা প্ৰশাসনে লৈছে ভিন্ন পৰিকল্পনা ৷

যোৰহাট আৰক্ষীৰ সফল অভিযান ৷ শনিবাৰে নিশা চলোৱা এক অভিযানত আৰক্ষীয়ে জব্দ কৰিছে মাৰণাস্ত্ৰৰ লগতে বৃহৎ পৰিমাণৰ গুলী ৷ ঘটনা সন্দৰ্ভত আৰক্ষীয়ে আটক কৰিছে ককিলামুখৰ ৰূপক দত্তক ৷

কলগাছিয়াৰ ক্ষুদ্ৰখোৱা, ডুবাচুৰিত মানাহ নদীৰ ব্যাপক খহনীয়া । খহনীয়াত জাহ যায় শতাধিক পৰিয়ালৰ বাসগৃহৰ লগতে এখন প্ৰাথমিক বিদ্যালয় । চাৰিখন পঞ্চায়তৰ পোন্ধৰখন ৰাজহ গাঁও লৈ এই খহনীয়াই কঢ়িয়াইছে তীব্ৰ ভাবুকি । কুম্ভকৰ্ণ নিদ্ৰাত প্ৰশাসন আৰু জনপ্ৰতিনিধি । শীঘ্ৰে খহনীয়া প্ৰতিৰোধৰ দাবী জনাইছে ৰাইজে ।

ক’ভিড-19ৰ ভয়াৱহ সংক্ৰমণৰ মাজতেই প্ৰধানমন্ত্ৰী মোডীয়ে এই সন্দৰ্ভত এক পৰ্যালোচনা সভাত মিলিত হ'ব ৷ ৰাজ্যসমূহৰ মুখ্যমন্ত্ৰী সকলৰ সৈতে অহা 23 ছেপ্টেম্বৰত আলোচনাত মিলিত হ'ব প্ৰধানমন্ত্ৰী গৰাকী ৷

যোৱাটো বৰ্ষত ৰাজ্যজুৰি আৰম্ভ হোৱা কা' বিৰোধী আন্দোলনৰ পৰাই ব্যাপক ক্ষতিৰ সন্মুখীন হোৱা ভ্ৰাম্যমান থিয়েটাৰ উদ্যোগটোৱে কৰ'ণা মহামাৰীৰ বাবে এইবেলি বছৰটোৰ বাবে মেলিব নোৱাৰিলে নাট ৷