তিনি বজাৰ শীৰ্ষ দহ বাতৰি...

তিনি বজাৰ শীৰ্ষ দহ বাতৰি...

এটা পৰিয়ালৰে তিনিজন লোকৰ প্ৰাণ একেলগে কাঢ়ি নিলে ব্ৰজপাতে ৷ পথাৰত কাম কৰি থাকোতেই একেটা পৰিয়ালৰ তিনিজনৰ মৃত্যু ৷ পৰিয়ালটোৰ তিনিগৰাকী সদস্যৰ লগতে মঙলবাৰে আবেলি ব্ৰজপাতে কাঢ়ি নিলে মুঠ সাত গৰাকীকৈ লোকৰ প্ৰাণ ৷ মধ্যপ্ৰদেশত সংঘটিত হৈছে এই দুৰ্ভাগ্যজনক ঘটনা ৷

আমি বাস কৰা পৃথিৱীৰ গাতে লাগি থকা বায়ুৰ স্তৰটোক ট্রপ'স্ফিয়েৰ বোলা হয় ৷ তাৰ ওপৰতে থকা আনটো স্তৰ হৈছে ষ্ট্রেট'স্ফিয়েৰ ৷ এই দুয়োটা স্তৰতে আছে অজ'ন গেছ ৷ অজ'ন গেছে পৃথিৱীৰ জীৱজগতক এটা ছাতিৰ দৰে আৱৰি আছে ৷ ই সূর্যৰ পৰা অহা অপকাৰী অতি বেঙুনীয়া ৰশ্মিৰ অধিকাংশ শোষণ কৰি চকুৰ ৰোগ, ছালৰ ৰোগকে ধৰি উদ্ভিদৰ বিভিন্ন ৰোগৰ লগতে জীৱ কুলৰ জীৱন ৰক্ষাৰ কাম কৰে ৷

বিগত 24 ঘণ্টাৰ ভিতৰত ভাৰতত নতুনকৈ 90,123 গৰাকী কৰ'ণা আক্ৰান্ত লোকৰ তথ্য পোৱা গৈছে ৷ ইয়াৰ লগে লগে ভাৰতত কৰ'ণা আক্ৰান্তৰ সংখ্যাই অতিক্ৰম কৰিলে 50 লক্ষাধিক ৷

কমলেশ্বৰ ধাম দৰ্শন কৰিবলৈ গৈ নাও দুৰ্ঘটনাত পতিত হ'ল প্ৰায় 30 গৰাকী লোক ৷ 15 জন লোকক এতিয়ালৈকে উদ্ধাৰ কৰা হৈছে যদিও প্ৰায় 14 গৰাকী লোকক এতিয়াও উদ্ধাৰ কৰিব পৰা হোৱা নাই ৷ ৰাজস্থানৰ কোটাৰ ইটাৱাত চম্বল নদীত নাওখন দুৰ্ঘটনাত পতিত হয় ৷

পথৰ অৱস্থা ইমানেই শোচনীয় যে, প্ৰতিবাদ কৰি থকাৰ মাজতেই হঠাতে পিছলি পৰিল এগৰাকী বৃদ্ধা ৷ বোকাময় পথছোৱাৰে এগৰাকী বৃদ্ধা পাৰ হওতেই বাগৰি পৰিল বোকাত ।

60 গৰাকী কর্মচাৰী একেলগে কৰ'নাত আক্ৰান্ত হোৱাৰ পাছতেই হাৰেংগাজাওত ৰাইজৰ মাজত আতংকৰ সৃষ্টি হৈছিল ৷ ইয়াৰ পাছতেই হাৰেংগাজাও বজাৰকে ধৰি স্থানীয় অঞ্চলসমূহত লক ডাউন ঘোষনা কৰিছিল নগৰ সমিতিয়ে ৷

কলগাছিয়া ৰাজহ চক্ৰৰ লাট-মণ্ডল, গাওঁবুঢ়াৰ বিৰুদ্ধে উত্থাপিত হৈছে গুৰুতৰ অভিযোগ ৷ অভিযোগ অনুসৰি, কলগাছিয়াত বান ক্ষতিগ্ৰস্ত হিতাধিকাৰীৰ তালিকাত নাই প্ৰকৃত হিতাধিকাৰীৰ নাম ৷ তাৰ পৰিৱৰ্তে লাট-মণ্ডল, গাঁওবুঢ়াৰ আত্মীয়ৰহে নাম আছে ৷ এই অভিযোগ উত্থাপন কৰিছে বঞ্চিত ৰাইজে ৷

11 KV ৰ উচ্চ ক্ষমতাসম্পন্ন তাঁৰত বিদ্যুৎস্পৃষ্ট হৈ মঙলবাৰে নিশা এটা বন্যহস্তীয়ে মৃত্যুক সাৱটি লয় ৷ নগাঁও জিলাৰ ৰূপহীহাটৰ জুৰীয়া ধিং বৰি চাপৰিত সংঘটিত হৈছে এই ঘটনা ৷

এটা জৰাজীৰ্ণ পথে ব্য়াহত কৰিছে কলগাছিয়াৰ কাউৰজাহী, কাচুকাটি, মোৱামাৰী, লাচাংগা, বলাইপাথাৰ আদি গাঁৱৰ প্ৰায় দহ হাজাৰ লোকৰ যাতায়াত ৷ সংবাদ মাধ্যমযোগে জনপ্ৰতিনিধিৰ বিৰুদ্ধ ক্ষোভ উজাৰিলে স্থানীয় ৰাইজে ৷

ৰক্ষা মন্ত্ৰী ৰাজনাথ সিঙৰ প্ৰতিটো শব্দই নিখুঁতভাৱে বাচনি কৰা হৈছিল ৷ এল এ ছিত স্থিতাৱস্থাক মানি চলা তথা সন্মান কৰা আৰু ইয়াৰ ওপৰত ভাৰতৰ ধাৰণা কি সেই বিষয়ে সুক্ষ্মভাৱে চীনক অৱগত কৰাৰ ক্ষেত্ৰত অৰুণাচল প্ৰদেশৰ ৯০ হাজাৰ কিলোমিটাৰ ভাৰতীয় অঞ্চলত চীনৰ দাবী তথা পাকিস্তানে লাডাখৰ ৫১৮০ বৰ্গকিল'মিটাৰ ভাৰতীয় ভূমি চীনক হস্তান্তৰ কৰাৰ কৰাৰ প্ৰসংগও উল্লেখ কৰা হৈছিল ৷