শেহতীয়াকৈ গুৱাহাটী উচ্চ ন্যায়ালয়ে অখিল গগৈৰ জামিন আবেদন খাৰিজ কৰাৰ পিছতে উচ্চতম ন্যায়ালয়ত আবেদন জনাইছিল গগৈৰ অধিবক্তাই ৷ আজি উচ্চতম ন্যায়ালয়ে পুনৰ অখিল গগৈৰ জামিন আবেদন নাকচ কৰিলে ৷ ন্যায়াধীশ এন ভি ৰমন্না, ন্যায়াধীশ সূৰ্যকান্ত আৰু ন্যায়াধীশ অনিৰুদ্ধ বসুৰ তিনিজনীয়া বিচাৰপীঠত এই গোচৰৰ শুনানি প্ৰক্ৰিয়া চলিছিল ।
অমিত শ্বাহে ক‘ত গ্ৰহণ কৰিব আহাৰ !
চিৰাঙৰ ছাতিপুৰ গাঁৱৰ অনন্ত ৰায় মহাৰাজৰ বাসগৃহত উপস্থিত কেন্দ্ৰীয় গৃহ মন্ত্ৰী অমিত শ্বাহ ৷ শ্বাহে এতিয়া এখন বৈঠকত ভাগ ল'ব ৷ ইয়াৰ পাচতে মহাৰাজৰ বাসগৃহত দুপৰীয়াৰ আহাৰ গ্ৰহণ কৰি কোচবিহাৰলৈ যাত্ৰা কৰিব ৷
সোণোৱাল চৰকাৰৰ অন্তিমখন বিধানসভাৰ অধিৱেশন আৰম্ভ
আজিৰে পৰা আৰম্ভ হৈছে অসম বিধানসভাৰ তিনিদিনীয়া বাজেট অধিৱেশন । যদিওবা এই অধিৱেশনক বাজেট অধিৱেশন বুলি কোৱা হৈছে কিন্তু সদনৰ তিনিদিনীয়া কাৰ্যক্ৰমণিকাত ৰাজ্য চৰকাৰে এইবাৰ পূৰ্ণাংগ বাজেট দাখিল কৰিব নোৱাৰিব । কিয়নো এপ্ৰিল মাহত ৰাজ্যত অনুষ্ঠিত হ’ব বিধানসভা নিৰ্বাচন । সেয়েহে এই অধিৱেশনৰ সময়চোৱাত শুকুৰবাৰে অৰ্থাৎ কাইলৈ বিত্ত মন্ত্ৰী ড৹ হিমন্ত বিশ্ব শৰ্মাই আগন্তুক তিনি মাহৰ বাবে অন্তৱৰ্তীকালীন বাজেট বা লেখানুদানহে সদনত দাখিল কৰিব ।
চিৰাঙত উপস্থিত কেন্দ্ৰীয় গৃহমন্ত্ৰী অমিত শ্বাহ
চিৰাঙৰ ছাতিপুৰ গাঁৱৰ গ্ৰেটাৰ কোচবিহাৰ পিপলছ এছ’চিয়েছনৰ প্ৰতিষ্ঠাপক অনন্ত ৰায় মহাৰাজৰ বাসগৃহত উপস্থিত কেন্দ্ৰীয় গৃহমন্ত্ৰী অমিত শ্বাহ ৷ অমিত শ্বাহৰ লগত উপস্থিত থাকে মন্ত্ৰী ড৹ হিমন্ত বিশ্ব শৰ্মা ৷
ৰাহুল গান্ধীৰ বিপক্ষে ছ’চিয়েল মেডিয়াত অশালীন পোষ্ট
ৰাহুল গান্ধীৰ অসম ভ্ৰমণৰ পূৰ্বে ছ'চিয়েল মিডিয়াত ট্ৰলৰ সন্মুখীন হৈছে নেতাগৰাকী ৷ ভেলেণ্টাইন ডে’ পালনৰ বাবে নেতা গৰাকী অসমলৈ আহিব বুলি এজন যুৱকে ছ'চিয়েল মিডিয়াত বিৰুপ মন্তব্য কৰে ৷ ইয়াৰ পাচতে সৰ্বত্ৰে সৃষ্টি হয় তীব্ৰ প্ৰতিক্ৰিয়াৰ ৷
অসমত উপস্থিত কেন্দ্ৰীয় গৃহমন্ত্ৰী অমিত শ্বাহ
বুধবাৰে নিশা গুৱাহাটীস্থিত বৰঝাৰ বিমানবন্দৰত উপস্থিত হয় গৃহমন্ত্ৰী অমিত শ্বাহ ৷ গৃহমন্ত্ৰীগৰাকীক বিমান বন্দৰত উষ্ম আদৰণি জনোৱা হয় ৷ আজি চিৰাঙত এক বৈঠকত মিলিত হ’ব গৃহমন্ত্ৰী শ্বাহ ৷
2011 চনত বিভাগৰ চাকৰিত যোগদান কৰা গিৰীশ শৰ্মাই ডাকোৱাল সকলক আধাৰ হিচাপে লৈ ৰচনা কৰা ডাকোৱাল নামৰ উপন্যাসখন বুধবাৰে তেজপুৰস্থিত শোণিতপুৰ জাৰ্ণেলিষ্ট ইউনিয়নৰ সভাকক্ষত উন্মোচন কৰা হয় ৷
অসম-মিজো সীমান্তত উপস্থিত হাইলাকান্দি প্ৰশাসন
সীমা সমস্যা সমাধানৰ দাবীৰে বুধবাৰে বিভিন্ন দল-সংগঠনৰ শতাধিক কৰ্মীয়ে হাইলাকান্দিৰ কাটলিছেৰা ঘাৰমুড়া ৰাষ্ট্ৰীয় ঘাইপথ অৱৰোধ কৰি পৰিৱেশ উত্তাল কৰি তোলে ৷ বুধবাৰে পুৱাৰ পৰা বিভিন্ন দল-সংগঠনৰ কৰ্মীসকল একেলগ হৈ ৰাজপথত প্ৰতিবাদ সাব্যস্ত কৰি সীমা সমস্যা সমাধানৰ ক্ষেত্ৰত চৰকাৰে ব্যৱস্থা গ্ৰহণ নকৰা পৰ্যন্ত এই প্ৰতিবাদ অব্যাহত ৰখাৰ হুংকাৰ প্ৰদান কৰিছিল ৷
মৰিগাঁৱত দুখনকৈ দলঙৰ আধাৰশিলা স্থাপন
মৰিগাঁৱত দুখনকৈ দলঙৰ আধাৰশিলা স্থাপন ৷ 6.2 কোটি আৰু 4.2 কোটি টকা ব্যয় সাপেক্ষে নিৰ্মাণ কৰা হ'ব বেলগুৰি-জেৰেঙাগাঁও সংযোগী আৰু কৰাইবাৰী-জোৰগাঁও সংযোগী দলং দুখন ৷ এই অনুষ্ঠানত উপস্থিত থাকে বিধায়ক ৰমাকান্ত দেউৰী ৷
18 ফেব্ৰুৱাৰীত কৃষকৰ দেশজোৰা ৰে’লপথ অৱৰোধ
18 ফেব্ৰুৱাৰীত দেশজুৰি 4 ঘণ্টীয়া ৰে’লপথ অৱৰোধৰ কাৰ্যসূচী গ্ৰহণ কৰিছে প্ৰতিবাদী কৃষকসকলে ৷ উক্ত দিনটোতে 2019 চনত পুলৱামাত সন্ত্ৰাসবাদীৰ আক্ৰমণত নিহত হোৱা দেশৰ শ্বহীদসকলৰ স্মৃতিত বন্তি প্ৰজ্বলনৰো সিদ্ধান্ত গ্ৰহণ কৰিছে দেশৰ প্ৰতিবাদী কৃষকসকলে ৷
