গুৱাহাটী, ১১ ছেপ্টেম্বৰ: কেন্দ্ৰীয় চৰকাৰৰ শিক্ষা মন্ত্ৰালয়ে শেহতীয়াকৈ প্ৰকাশ কৰা "নেশ্যনেল ইনষ্টিটিউশ্যনেল ৰেংকিং ফ্ৰেমৱৰ্ক"(NIRF)ৰ তালিকাত শীৰ্ষৰ ১০০ খন বিশ্ববিদ্যালয়ৰ ভিতৰত স্থান লাভ কৰিছে অসমৰ তিনিখনকৈ বিশ্ববিদ্যালয়ে । বিশ্ববিদ্যালয়ৰ ৰেংকিং তালিকাত ৪৫ সংখ্যক স্থানত আছে গুৱাহাটী বিশ্ববিদ্যালয় । তেজপুৰ বিশ্ববিদ্যালয় আছে ৪৬ সংখ্যক স্থানত আৰু শিলচৰস্থিত অসম বিশ্ববিদ্যালয় আছে ৯৩ সংখ্যক স্থানত ।
স্বাভাৱিকতে এই খবৰে ৰাজ্যৰ শৈক্ষিক খণ্ডৰ লগতে বিদ্ব্যৎ সমাজলৈও এক আশাৰ বতৰা কঢ়িয়াই আনিছে । মুঠ ১১টা শাখাৰ সামগ্ৰিক বিভাগত গুৱাহাটী বিশ্ববিদ্যালয় আছে ৬৭ সংখ্যক স্থানত আৰু ৭৩ সংখ্যক স্থান দখল কৰিছে তেজপুৰ বিশ্ববিদ্যালয়ে । কেৱল ইমানেই নহয়, গুৱাহাটী আই আই টিয়েও অভিযান্ত্ৰিক প্ৰতিষ্ঠান শাখাত দখল কৰিছে সপ্তম স্থান । সামগ্ৰিক শাখাত নৱম স্থানত আছে গুৱাহাটী আই আই চি ।
মনকৰিবলগীয়া যে, কেন্দ্ৰীয় চৰকাৰৰ এই তালিকাত কিন্তু ১০০ খন শীৰ্ষৰ বিশ্ববিদ্যালয়ৰ ভিতৰত ডিব্ৰুগড় বিশ্ববিদ্যালয় আৰু ঐতিহ্যমণ্ডিত কটন বিশ্ববিদ্যালয়ে কোনো স্থান দখল কৰিবলৈ সক্ষম নহ'ল ।
লগতে পঢ়ক:অসাৰ হ'ল মুখ্যমন্ত্ৰীৰ ঘোষণা:অফলামুখ ঘাটত নচলিল জাহাজ
