গুৱাহাটী, ১৫ ফেব্ৰুৱাৰী: পল্টনবজাৰ ৰেল'ৱে ষ্টেচনত জব্দ বৃহৎ পৰিমাণৰ ধন (Huge quantity of cash recovered from Guwahati Railway Station)। ৰেল’ৱে আৰক্ষীয়ে অভিযান চলাই এক কোটি ৪৮ লাখ ৩০ হাজাৰ ৬০০ টকা জব্দ কৰাৰ লগতে তিনিজন সৰবৰাহকাৰীক আটক কৰে ৷
আটকাধীন লোককেইজন ক্ৰমে উত্তৰ প্ৰদেশৰ অভিষেক শৰ্মা(২৭), উত্তৰ প্ৰদেশৰ উমেশ চান্দ শৰ্মা(৫২) আৰু নতুন দিল্লীৰ পৱন কুমাৰ (২৫) । অৰুণাচল প্ৰদেশৰ পৰা দিল্লীলৈ বৃহৎ পৰিমানৰ ধনখিনি নি থকাৰ অৱস্থাত আটক কৰা তিনিওজন লোককে ৰেল আৰক্ষীয়ে জেৰা অব্যাহত ৰাখিছে ।
উল্লেখ্য যে, পল্টনবজাৰ ষ্টেচনত অভিযান চলাই ৰেল সুৰক্ষা বাহিনী আৰু ৰেল আৰক্ষীয়ে মঙলবাৰে পুৱা প্ৰায় ৫ বাজি ৩০ মিনিটত টকাখিনি জব্দ কৰে । সোমবাৰে পল্টনবজাৰৰ হোটেলত নিশাটো কটাইছিল আটকাধীন লোক তিনিজনে ৷ ধৃত তিনি সৰবৰাহকাৰীয়ে মঙলবাৰে তেজছ এক্সপ্ৰেছেৰে টকাখিনি দিল্লীলৈ নিয়াৰ বাবে যো-জা চলাইছিল ।
লগতে পঢ়ক: নগাঁও আৰক্ষীয়ে পুনৰ চলালে গুলী : আৰক্ষী অধীক্ষক ধ্ৰুৱ বৰাই জনালে কাৰণ
