গুৱাহাটী, 2 মেঃ দুদিনীয়া কাৰ্যসূচীৰে শুকুৰবাৰৰ পৰা চান্দমাৰী অভিযান্ত্ৰিক মহাবিদ্যালয় খেলপথাৰত অনুষ্ঠিত হ'ব ৰঙালী বিহু অনুষ্ঠান ৷ গুৱাহাটী ৰঙালী বিহু উৎসৱ উদযাপন সমিতিৰ উদ্যোগত আয়োজন কৰা হৈছে এই বিহুৰ অনুষ্ঠান ৷
চান্দমাৰী অভিযান্ত্ৰিক মহাবিদ্যালয় খেলপথাৰত ৰঙালী বিহু আয়োজন
বৃহস্পতিবাৰে গুৱাহাটী প্ৰেছ ক্লাৱত চান্দমাৰী ৰঙালী বিহু অনুষ্ঠানৰ বিষয়ে সংবাদ মাধ্যমক অৱগত কৰে উদ্যোক্তাসকলে ৷ শুকুৰবাৰে পুৱা পতাকা উত্তোলনেৰে অনুষ্ঠান আৰম্ভ হোৱাৰ পাচতেই আয়োজন কৰা হ'ব বিভিন্ন খেল-ধেমালি প্ৰতিযোগিতা ৷ ৰঙালী বিহুথলীত নিশা অনুষ্ঠিত হ'ব বাৰেৰহনীয়া সাংস্কৃতিক অনুষ্ঠান ৷
