গুৱাহাটী, 3 ডিচেম্বৰঃ ধৰ্ষণ আৰু হত্যাৰ বলি হোৱা ডাঃ প্ৰিয়ংকা ৰেড্ডীৰ ন্যায় বিচাৰি গুৱাহাটী বিশ্ববিদ্যালয় চৌহদত মৌন প্ৰতিবাদ ৷ বিশ্ববিদ্যালয়ৰ আইন বিভাগৰ ছাত্ৰ-ছাত্ৰী সকলে সাব্যস্ত কৰে এই প্ৰতিবাদ ৷
হায়দৰাবাদত ধৰ্ষণ আৰু হত্যাৰ বলি হোৱা ডঃ প্ৰিয়ংকা ৰেড্ডীৰ ন্যায় বিচাৰি মঙ্গলবাৰে গুৱাহাটী বিশ্ববিদ্যালয় আৰু গুৱাহাটী বিশ্ববিদ্যালয়ৰ আইন মহাবিদ্যালয়ৰ ছাত্ৰ-ছাত্ৰীসকলে মৌন প্ৰাৰ্থনা কাৰ্যসূচী হাতত লয়। প্ৰিয়ংকা ৰেড্ডীৰ ঘটনাক তীব্ৰ গৰিহণা জনায় শিক্ষাৰ্থীসকলে । মৌন আৰু শান্তিপূৰ্ণভাৱে এনেদৰে মমবাতি জ্বলাই ধৰ্ষিতাৰ ন্যায়ৰ দাবী তুলিলে প্ৰতিবাদী ছাত্ৰ-ছাত্ৰী সকলে । এই কাণ্ডত জড়িত সকলোকে কঠোৰ শাস্তি প্ৰদান কৰি নাৰী সুৰক্ষাৰ ক্ষেত্ৰত চৰকাৰক ব্যৱস্থা গ্ৰহণ কৰিবলৈ দাবী জনাই বিশ্ববিদ্যালয়ৰ শিক্ষাৰ্থীসকলে । ইফালে বিগত সময়চোৱাত গুৱাহাটী বিশ্ববিদ্যালয়ৰ চৌহদত হৈ যোৱা ছাত্ৰী যৌন নিৰ্যাতনৰ ঘটনা সন্দৰ্ভত বিশ্ববিদ্যালয় কৰ্তৃপক্ষক বহুবাৰ স্মাৰক পত্ৰ দিয়াৰ উপৰিও নাৰী সুৰক্ষাৰ বাবে আবেদন জনাই আহিছে যদিও কোনোধৰণৰ সুফল আজিপৰ্যন্ত পোৱা নাই বুলিও জনাই শিক্ষাৰ্থীসকলে । গুৱাহাটী বিশ্ববিদ্যালয়ৰ চৌহদত হৈ যোৱা এনেকুৱা ঘটনা আৰু নাৰী সুৰক্ষা সন্দৰ্ভত শিক্ষাৰ্থীসকলে ক্ষোভ ব্যক্ত কৰে ছাত্ৰ-ছাত্ৰী সকলে ৷ তদুপৰি চৰকাৰ তথা প্ৰশাসনক আগন্তুক দিনত এনে ধৰণৰ ঘটনা যাতে দুনাই সংঘটিত নহয় তাৰ বাবে উপযুক্ত ব্যৱস্থা গ্ৰহণ কৰিবলৈ আহ্বান জনাইছে প্ৰতিবাদী শিক্ষাৰ্থীসকলে ৷
লগতে পঢ়ক - ছয় জনগোষ্ঠীৰ জনজাতিকৰণ হোৱাটো আমি বিচাৰোঃ অতুল বৰা
