গুৱাহাটী, ২৮ জুন: মুখ্যমন্ত্ৰী সৰ্বানন্দ সোণোৱাল আৰু স্বাস্থ্যমন্ত্ৰী ডঃ হিমন্তবিশ্ব শৰ্মাৰ সমালোচনাত আজি আকৌ এবাৰ সৰৱ হৈ পৰে প্ৰাক্তন মুখ্যমন্ত্ৰী তৰুণ গগৈ । দেওবাৰে এখন সংবাদমেলখনত ভাগ লৈ গগৈয়ে কয় যে, স্বাস্থ্যমন্ত্ৰী আৰু বিত্তমন্ত্ৰী হিচাপে ডঃ হিমন্ত বিশ্ব শৰ্মা সম্পূৰ্ণৰূপে ব্যৰ্থ হৈছে । যিসময়ত COVID-১৯ ৰ ভয়াৱহতা থকাৰ পিচতো সমগ্ৰ ভাৰতবৰ্ষতে পৰ্যায়ক্ৰমে লক ডাউন শিথিল কৰা হৈছে, সেই সময়ত স্বাস্থ্য মন্ত্ৰীগৰাকীৰ ব্যৰ্থতাৰ বাবেই ইয়াত পুণৰ লক ডাউন দিব লগীয়া হৈছে । হাস্পতালত বিছনাৰ অভাৱ হোৱা বাবেই গুৱাহাটীত ৰোগীৰ সংখ্যা আৰু বাঢ়িলে চিকিৎসাৰ সমস্যা হ'ব বুলি স্বাস্থ্য মন্ত্ৰীয়ে স্বীকাৰ কৰিছে । অতদিনে তেওঁ ইমান যে ব্যস্ততাৰৰে ঘূৰিছিল সেই সময়তে এই কথা কিয় চিন্তা নকৰিলে ?
এই লক ডাউন অপৰিকল্পিতঃ তৰুণ গগৈ হাস্পতালত বিছনা নাই বাবেই কঠোৰভাবে লক ডাউন দিয়াটো গ্ৰহণযোগ্য নহয় বুলিও গগৈয়ে মন্তব্য কৰে । আনহাতে, যিখন ৰাজ্যৰ মুখ্যমন্ত্ৰী আৰু স্বাস্থ্য মন্ত্ৰীয়েই কোনো নীতি নিয়ম নামানি ৰাজহুৱা অনুষ্ঠানত ভাগ লৈ ফুৰিছে, মাস্ক নিপিন্ধাকৈ কামাখ্যাত গৈ সেৱা লৈছে সেইখন ৰাজ্যৰ জনতাৰ পৰা তেওঁলোকে কি আশা কৰে বুলিও তেওঁ প্ৰশ্ন উত্থাপন কৰে ।
স্বাস্থ্যমন্ত্ৰী আৰু বিত্তমন্ত্ৰী হিচাপে ব্যৰ্থ ডঃ হিমন্ত বিশ্ব শৰ্মাঃ তৰুণ গগৈ অসমত এতিয়া চৰকাৰৰ মইমতালি চলিছে বুলি মন্তব্য কৰি গগৈয়ে আৰু কয় যে, সৰ্বানন্দ সোণোৱাল হৈছে এগৰাকী সাক্ষী গোপাল মুখ্যমন্ত্ৰী । হিমন্ত বিশ্ব শৰ্মা বা চৰকাৰখনৰ ওপৰত তেওঁৰ কোনো ধৰণৰ নিয়ন্ত্ৰণ নাই । এতিয়া হিমন্ত বিশ্ব শৰ্মাই সৰ্বেসৰ্বা । গগৈৰ ভাষ্য - "দুই নম্বৰী কামত হিমন্তবিশ্ব শৰ্মা ভাল, পাকৈত । আচল ভাল কামত নহয়" । চৰকাৰখনৰ কোনো দূৰদৰ্শিতা নথকাৰ বাবে আজি এই পৰিস্থিতিৰ উদ্ভৱ হৈছে । ৰাইজ দুইফালৰ পৰা মৰিছে । এফালে ক'ৰণা আৰু আনফালে লক ডাউন ।
অসমৰ মুখ্যমন্ত্ৰীৰ মন্ত্ৰীসকলৰ প্ৰতি থাকিবলগীয়া নিয়ন্ত্ৰণ নাইঃ তৰুণ গগৈ চৰকাৰখনক তীক্ষ্ণ ভাষাৰে সমালোচনা কৰি গগৈয়ে আৰু কয় যে এই চৰকাৰৰ কাৰ্যকালত ৰাজ্যত এতিয়ালৈকে ৫৬৫ টা গড়ৰ মৃত্যু হৈছে অথচ চৰকাৰে সেই কথা লুকুৱাই ৰাখিছে । এইখন চৰকাৰে গণতান্ত্ৰিক কথা বতৰা সহ্য কৰিব নোৱাৰে বাবেই অখিল গগৈক কাৰাৰুদ্ধ কৰি থৈছে । চীনৰ পৰা অসমলৈ অনা পি পি ই কীটসমূহক লৈ গ'ল বুলি প্ৰশ্ন উত্থাপন কৰি গগৈয়ে কয় যে, COVID নিয়ন্ত্ৰণৰ নামত চেনিটাইজাৰ যোগান ধৰাৰে পৰা আৰম্ভ কৰি সমস্ত প্ৰক্ৰিয়াটোতে বিত্তীয় কেলেংকাৰী সংঘটিত হৈছে ।
এতিয়া হিমন্ত বিশ্ব শৰ্মাই সৰ্বেসৰ্বাঃতৰুণ গগৈ 
