গুৱাহাটী,4 মাৰ্চঃ ৰাজহুৱা প্ৰস্ৰাৱগাৰ নোহোৱাৰ বাবে অসুবিধাৰ সন্মুখীন হৈছে গুৱাহাটীবাসী । গুৱাহাটী পৌৰ নিগমে ৰাইজৰ সুবিধাৰ্থে মহানগৰীত বিভিন্ন ব্যৱস্থা হাতত লোৱাৰ কথা উল্লেখ কৰে যদিয়ো সেয়া বাস্তৱত ফুটুকাৰ ফেনত পৰিণত হৈছে । তাৰে জ্বলন্ত ছবি দেখা গৈছে গুৱাহাটীৰ সকলোতকৈ গুৰুত্বপূৰ্ণ এলেকা দিশপুৰত স্থাপন কৰা ৰাজহুৱা প্ৰস্ৰাৱগাৰত ৷ সম্প্ৰতি কদৰ্য ৰূপলৈ পৰিণত হোৱা ৰাজহুৱা প্ৰস্ৰাৱগাৰটো নিৰ্মাণৰ কিছুদিন পিছৰে পৰা ব্যৱহাৰৰ অনুপযুক্ত হৈ পৰি আছে ৷ যাৰ বাবে পথৰ য’তে-ত’তে প্ৰস্ৰাৱ কৰিবলৈ বাধ্য হৈছে সাধাৰণ ৰাইজে । এই সমস্যাৰ ফলত বিশেষকৈ পথচাৰী মহিলাসকল যথেষ্ট অসুবিধাৰ সন্মুখীন হৈছে ।
ইপিনে, প্ৰস্ৰাৱগাৰৰ বিষয় সন্দৰ্ভত স্থানীয় ৰাইজে বিভিন্ন সময়ত বিভাগীয় কৰ্তৃপক্ষক অভিযোগ দি আহিছে যদিয়ো বিষয়টোত কোনো কাণসাৰ দিয়া নাই গুৱাহাটী পৌৰ নিগমে । বিভাগীয় কৰ্তৃপক্ষৰ বিৰুদ্ধে এতিয়া ক্ষোভ ব্যক্ত কৰিছে একাংশ লোকে । লগতে শীঘ্ৰে ৰাইজৰ অসুবিধাৰ প্ৰতি চকু দিবলৈ আহ্বান জনাইছে স্থানীয় লোকসকলে ।
লগতে চাওকঃঅখিল গগৈৰ চিকিৎসাৰ দাবীত সচেতন নাগৰিক সমাজৰ প্ৰতিবাদ
