গুৱাহাটী, 8 ছেপ্টম্বৰ: সামাজিক ন্যায় আৰু সৱলীকৰণ বিভাগৰ উদ্যোগত জ্যেষ্ঠ নাগৰিকসকলৰ কল্যাণৰ অৰ্থে গুৱাহাটীৰ বেলতলাত দুদিনীয়াকৈ "Enhancing Life Quality and Productive Aging" শীৰ্ষক কৰ্মশালাৰ বৃহস্পতিবাৰৰ পৰা আৰম্ভ হৈছে । কৰ্মশালাখনী উদ্বোধন কৰে সামাজিক ন্যায় আৰু সৱলীকৰণ বিভাগৰ মন্ত্ৰী পীযুষ হাজৰিকাই (Minister Pijush Hazarika) ।
আনহাতে এই কৰ্মশালাত অংশগ্ৰহণ কৰি সামাজিক ন্যায় আৰু সৱলীকৰণ বিভাগৰ মন্ত্ৰী পিয়ুষ হাজৰিকাই কয় - "জ্যেষ্ঠ নাগৰিকসকলক মোৰ শ্ৰদ্ধা, সেৱা জনোৱাৰ লগতে তেওলোকৰ সু-স্বাস্থ্য কামনা কৰিছো ।" লগতে মন্ত্ৰীগৰাকীয়ে এই ৰাজ্যৰ নতুন প্ৰজন্মক সদায়েই পিতৃ-মাতৃ, অভিভাৱক তথা জ্যেষ্ঠজনৰ ত্যাগ, কষ্ট সন্মান জনাবলৈ আহ্বান জনায় । তেওঁ কয় যে যিসকলে নিজৰ পিতৃ-মাতৃ সেৱা নকৰে তাৰ সমান মহাপাপী এই পৃথিৱীত নাই (Social Justice Department workshop)।
লগতে কয় যে, পিতৃ-মাতৃৰ লগতে জ্যেষ্ঠজনৰ প্ৰতি শ্ৰদ্ধা-ভক্তি থাকিব লাগিব । পিতৃ-মাতৃক কেতিয়াও বৃদ্ধাশ্ৰম পঠাব নালাগে । সেয়া অতি পাপৰ কাম । কৰ্মশালাৰ জৰিয়তে এইবোৰ কথা অনুধাৱন কৰা হ’ব বুলি মন্তব্য কৰে মন্ত্ৰী পীযুষ হাজৰিকাই ।
অনুষ্ঠানটোত জ্যেষ্ঠ নাগৰিক কল্যাণ পৰিষদ, অসমৰ অধ্যক্ষ ড৹ প্ৰদীপ ঠাকুৰীয়া, সামাজিক ন্যায় আৰু সবলীকৰণ বিভাগৰ অতিৰিক্ত সচিব ফজলুল হক চৌধুৰী আৰু সঞ্চালক কিশোৰ ঠাকুৰীয়া তথা আন আন বিশিষ্ট ব্যক্তিসকল উপস্থিত থাকে ।
লগতে পঢ়ক: জোনাইত গাইড শিক্ষক প্ৰশিক্ষণ কৰ্মশালা
