গুৱাহাটী, 9 নৱেম্বৰ : মহানগৰীৰ পাথৰকুৱাৰীত সোমবাৰে সংঘটিত হৈছে অগ্নিকাণ্ডৰ ঘটনা। পাথৰকুৱাৰীস্থিত A1 কম্পিউটাৰ এণ্ড ইলেকট্ৰনিকছ নামৰ এখন ব্যৱসায় প্ৰতিষ্ঠানত সংঘটিত হয় এই অগ্নিকাণ্ড। শ্বৰ্ট চাৰ্কিটৰ ফলত অগ্নিকাণ্ডৰ সূত্ৰপাত হোৱাৰ সন্দেহ প্ৰকাশ কৰা হৈছে । প্ৰতিষ্ঠানখন বন্ধ হৈ থকা অৱস্থাত সুত্ৰপাত হয় অগ্নিকাণ্ডৰ ৷ অগ্নিকাণ্ডত প্ৰতিষ্ঠানটোৰ কেইবালক্ষাধিক টকাৰ কম্পিউটাৰৰ লগতে অন্যান্য সা সামগ্ৰী ভষ্মীভূত হয়। পৰৱৰ্তী সময়ত তিনিখনকৈ অগ্নি নিৰ্বাপন বাহিনীৰ গাড়ী ঘটনাস্থলীত উপস্থিত হৈ জুই নিৰ্বাপন কৰিবলৈ সক্ষম হয় ৷
লগতে পঢ়ক: JEE পৰীক্ষা কেলেংকাৰীঃ ১২ দিনৰ ন্যায়িক জিম্মালৈ ভাৰ্গৱ ডেকা
