বকো,2 এপ্ৰিলঃ আপুনি বাৰু লাইক ভিডিঅ' এপৰ বিষয়ে জানেনে? লাইক ভিডিঅ' এপত আপুনিও বনাই নেকি ভিডিঅ'? পিচেসাৱধান ! লাইক ভিডিঅ'ই অমানিশা মাতিব পাৰে আপোনাৰ জীৱনলৈ ৷ বকোতস্বামীৰ পৰা পত্নীক আৰু সন্তানৰ পৰা মাতৃক বঞ্চিত কৰিলে লাইক ভিডিঅ'ই ৷
লাইক ভিডিঅ'ৰ বাবেই স্বামী আৰু দুই সন্তানক এৰি পলায়ন কৰে বকোৰ এগৰাকী মহিলাই ৷ উল্লেখ্য যে,অচিনাকী যুৱকৰ সৈতে ৰোমান্টিক গানেৰে লাইক ভিডিঅ' এপত ভিডিঅ' বনাই ছ'চিয়েল মিডিয়াত প্ৰকাশ কৰিছিল মহিলাগৰকীয়ে ৷ স্বামী আৰু দুই সন্তান থকাৰ পাচতো এনেদৰে ছ'চিয়েল মিডিয়াত ৰোমান্টিক গানেৰে ভিডিঅ' বনাই মনৰ কথা প্ৰকাশ কৰিছিল এই মহিলাগৰাকীয়ে ৷ পাচে,পত্নীৰ এনে কাৰ্যক বাধা প্ৰদান কৰাত দুয়োৰে মাজত সূত্ৰপাত হয় কাজিয়াৰ আৰু তাৰপাচতে নিৰুদ্দেশ হয় মহিলাগৰাকী ৷এই ঘটনা সংঘটিত হৈছে বকোৰ বৰপাৰাত ৷ যোৱা 28 মাৰ্চত নিজৰ ঘৰৰ পৰা নিৰুদ্দেশ হয় বকো আৰক্ষী থানাৰ অন্তৰ্গত বকো-বৰপাৰা গাঁৱৰ চলিম আলীৰ পত্নীগৰাকী ৷
মহিলাগৰাকীক স্বামীৰ উপৰিও পৰিয়ালৰ লোকে বহুবাৰ বিচাৰ কৰিও আজি পাঁচ দিনলৈ কোনো সন্ধান নোপোৱাত বকো আৰক্ষী থানাত নিৰুদ্দেশ সন্দৰ্ভত স্বামী চলিম আলিয়ে দাখিল কৰে এজাহাৰ । দুই সন্তানক ঘৰত থৈ এনেদৰে সন্ধানহীন হোৱাত মাকৰ অপেক্ষাত এতিয়া উজাগৰী নিশা কটাইছে সন্তানদ্বয়ে ৷
