কামাখ্যাত ভূমিস্খলন

কামাখ্যা মন্দিৰলৈ যোৱা পথত পাহাৰ খহি পৰি ব্যাহত হৈ পৰে যাতায়ত ব্যৱস্থা । কামাখ্যাত জিৰণি কোঠা নিৰ্মাণৰ কাম চলি থকা অৱস্থাতে সংঘটিত হয় এই অঘটন

গুৱাহাটী, 11 জুলাইঃ বিগত কিছুদিন ধৰি ৰাজ্যত হৈ থকা নেৰানেপেৰা বৰষুণৰ ফলত ঠায়ে ঠায়ে সংঘটিত হৈছে ভূমিস্খলন ৷ বৃহস্পতিবাৰে মহানগৰীৰ নীলাচল পাহাৰত ভূমিস্খলনৰ ঘটনা । কামাখ্যা মন্দিৰলৈ যোৱা পথত পাহাৰ খহি পৰি ব্যাহত হৈ পৰে যাতায়ত ব্যৱস্থা । কামাখ্যাত জিৰণিকোঠা নিৰ্মাণৰ কাম চলি থকা অৱস্থাতে সংঘটিত হয় এই অঘটন । সম্প্ৰতি টিৰ্পালেৰে ভূমিস্খলন ৰোধৰ চেষ্টা । তাৰোপৰি কামাখ্যালৈ যোৱা লোকসকলৰ সুৰক্ষাৰ প্ৰতি লক্ষ্য ৰাখি যানবাহনৰ চলাচলৰ বাবে পথটো 'ওৱান ৱে' কৰি দিয়া হৈছে ।