গুৱাহাটী, 13 অক্টোবৰ : মহানগৰী গুৱাহাটীত পুনৰ ভূমিস্খলনৰ ঘটনা ৷ নুনমাটিৰ চেক্টৰ-1 ত ভূমিস্খলন ৷ উজানবজাৰ-খাৰঘুলি সংযোগী পথত সংঘটিত হয় এই ভূমিস্খলনৰ ঘটনা ৷ ভূমিস্খলনৰ ফলত খহি গ'ল পথটোৰ বৃহৎ এছোৱা ৷ পথটোৰ কাষৰ নলা সমূহ নিম্ন মানৰ হোৱাৰ বাবেই এইদৰে খহি গ'ল বুলি আশংকা কৰিছে স্থানীয় লোকে ৷
ইয়াৰ উপৰিও নতুনকৈ নিৰ্মাণ কৰা পথটোৰ ওপৰেৰে অত্যধিক বোজাই ভৰ্তি বাহন চলাচল কৰাৰ ফলতে খহি যোৱাৰো সন্দেহ কৰা হৈছে ৷ নৱনিৰ্মিত এই পথটো খহি যোৱাত সমস্যাৰ সৃষ্টি হৈছে যাতায়ত কৰা লোকসকলৰ ৷ শীঘ্ৰেই পথছোৱা মেৰামতি নকৰিলে পথটো ছিগি যোৱাৰ সম্ভাৱনা ব্যক্ত কৰিছে সকলোৱে ৷
উল্লেখ্য যে,ইয়াৰ পূৰ্বেও গুৱাহাটীত ভূমিস্খলনৰ ঘটনা সংঘটিত হৈছে ৷ মালিগাঁও,কাহিলীপাৰা আদি কেইবাটাও স্থানত সংঘটিত হোৱা ভূমিস্খলনৰ ঘটনাত প্ৰাণ হেৰুৱাব লগা হৈছে বহুকেইগৰাকীয়ে ৷
লগতে পঢ়ক : যোৰহাটত উপায়ুক্ত কাৰ্যালয়ত দালালিৰ দপদপনি !
