গুৱাহাটী, 16 অক্টোবৰ : ভোজপুৰী সংগীতেৰে জনপ্ৰিয় হৈ পৰা অসম কন্যা তথা ভোজপুৰী কুইন কল্পনা পাটোৱাৰীয়ে শেহতীয়াকৈ যোগ দিলে অগপত ৷ ইটিভি ভাৰতৰ সাংবাদিকৰ সৈতে হোৱা সাক্ষাৎকাৰত নিজৰ পৰিকল্পনা ইচ্ছা সম্পৰ্কে ব্যক্ত কৰিলে কল্পনা পাটোৱাৰীয়ে ৷
অসম আন্দোলনে বাৰুকৈয়ে অনুপ্ৰাণিত কৰিছিল কল্পনাক ৷ সেয়ে সৰুৰে পৰা তেওঁৰ আছিল এটা জতীয়তাবাদী মন ৷ অসমৰ কাৰণে কাম কৰাৰ এটা মনোভাৱ লৈ অগপত যোগ দিছে কল্পনা পাটোৱাৰীয়ে ৷ জাতীয়তাবাদী ধাৰাটোক জীয়াই ৰখাৰ বাবেই তেওঁ যোগ দিছে অগপত ৷
কল্পনা পাটোৱাৰীৰ সমষ্টি হৈছে সৰভোগ ৷ আনহাতে সৰভোগ সমষ্টিৰ বৰ্তমানৰ বিধায়ক বিজেপিৰ ৰাজ্যিক সভাপতি ৰঞ্জিত দাস ৷ গতিকে টিকটৰ কাৰণে সমষ্টিটোত অগপ-বিজেপিৰ এক মতানৈক্য হোৱাৰো আশংকা আছে ৷ কিয়নো কল্পনা যে টিকট প্ৰত্যাশ, সেই কথা একপ্ৰকাৰ তেওঁৰ কথাৰ পৰাই প্ৰমাণিত হৈছে ৷ আনহাতে একেদৰে পাটাচাৰকুছিতো টিকটৰ কাৰণে এক প্ৰকাৰ বিতৰ্ক সৃষ্টি হোৱাৰ পথত ৷ কিয়নো বৰ্তমানৰ অগপ বিধায়ক পবিন্দ্ৰ ডেকাৰ ঠাইত প্ৰাৰ্থী দিব বিজেপিয়ে ৷ গতিকে টিকটৰ পৰা বঞ্চিত হোৱাৰ পথত জ্যেষ্ঠ অগপ নেতাগৰাকী ৷
অসমৰ সৰ্বস্তৰৰ ৰাইজক ওলাই আহিবলৈ এই সাক্ষাৎযোগে অনুৰোধ জনালে কল্পনা পাটোৱাৰীয়ে ৷ যাতে সকলোৱে সমিল মিলেৰে আগবাঢ়ি যাব পাৰে আৰু উন্নয়নৰ এক নতুন দিশ সূচনা কৰিব পাৰে ৷
লগতে পঢ়ক : অগপৰ দূৰ্গখ্যাত পাটাছাৰকুছি সমষ্টিত প্ৰাৰ্থী দিব বিজেপিয়ে
