গুৱাহাটী,8 নৱেম্বৰ : গুৱাহাটী মহানগৰীৰ কামাখ্যা গেটত দেওবাৰে সন্ধিয়াৰ ভাগত সংঘটিত হয় এক চুৰিকাণ্ড ৷ এগৰাকী মহিলাক ৰাজপথলৈ চোঁচোৰাই নি কাঢ়ি নিলে ডিঙিৰ চেইন । বাইকত অহা দুই চিলনী চোৰে কাঢ়ি নিয়ে চেইনডাল ৷
মহিলাৰ ডিঙিৰ চেইন কাঢ়িলে চিলনী চোৰে
আঘাতপ্ৰাপ্ত মহিলাগৰাকী সংগীতা আগৰৱালা বুলি জানিব পৰা গৈছে । লগে লগে তেওঁক চিকিৎসালয়লৈ প্ৰেৰণ কৰে স্থানীয় লোকে ৷ নম্বৰ প্লেট বিহীন বাইকত অহা চোৰ দুটাৰ বিৰুদ্ধে থানাত এজাহাৰ দাখিল কৰিছে ভুক্তভোগী মহিলাগৰাকীয়ে ।
উল্লেখ্য যে,শেহতীয়াকৈ মালিগাঁও-কামাখ্যা গেটত যথেষ্ট পৰিমাণে চুৰি-ডকাইতিৰ দৰে ঘটনা বৃদ্ধি পাবলৈ ধৰিছে ৷
লগতে পঢ়ক : ভণ্ড সাধুৱে লুটিলে সোণৰ অলংকাৰ
