কামৰূপ মেট্ট,21নৱেম্বৰ: শনিবাৰে গুৱাহাটী মহানগৰীৰ বৰাগাঁৱৰ ৩৭নং ৰাষ্ট্ৰীয় ঘাইপথত সংঘটিত হয় এক শোকাৱহ পথ দুৰ্ঘটনা । তীব্ৰবেগী ট্ৰাকে মহতিয়াই লৈ যায় এখন স্কুটী । দুৰ্ঘটনাটোত থিতাতে নিহত হয় স্কুটী আৰোহীজন । নিহত লোকজন দিলচান আলী বুলি চিনাক্ত কৰা হৈছে ৷
প্ৰাপ্ত তথ্য অনুসৰি,AS01DZ 4777 নম্বৰৰ স্কুটীৰে আহি থকা অৱস্থাত AS05C 2186 নম্বৰৰ এখন ট্ৰাকে খুন্দিয়াই স্কুটী আৰোহীজনক । ঘটনা সংঘটিত হোৱাৰ পাচতে ঘটনাস্থলীত গড়চুক যানবাহন আৰক্ষী উপস্থিত হৈ লোকজনৰ মৃতদেহটো উদ্ধাৰ কৰে । ইয়াৰ পিছতে মৃতদেহটো মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰে আৰক্ষীয়ে । দুৰ্ঘটনা সংঘটিত কৰা ট্ৰাকখন জব্দ কৰিছে গড়চুক যানবাহন আৰক্ষীয়ে ।
অন্য এক খবৰৰ বাবে: ডিজিটেল প্ৰক্ৰিয়াৰে অনুষ্ঠিত হ'ব কংগ্ৰেছ অধ্যক্ষৰ নিৰ্বাচন
