গুৱাহাটী, 13 জুন : মহানগৰীৰ নিউ ফটাশিল টাউন হাইস্কুলত ২৬ মে'ৰ পৰা ড৹ হেডগোৱাৰ স্মাৰক সমিতি আৰু বৃহত্তৰ গুৱাহাটী মাৰোৱাৰী যুৱ মঞ্চৰ উদ্যোগত বিনামূলীয়া ভেকচিন শিবিৰ অনুষ্ঠিত হয় । ৰাষ্ট্ৰীয় স্বয়ংসেৱক সংঘ গুৱাহাটীৰ যুটীয়া সম্পাদক পংকজ জালানে ইটিভি ভাৰতক জানিবলৈ দিয়া অনুসৰি বৃহত্তৰ অঞ্চলটোত বৰ্তমানলৈকে প্ৰায় ২,০০০ লোকে বিনামূলীয়াকৈ প্ৰথম আৰু দ্বিতীয় পালি ক'ভিশ্বিল্ড (covishield) ভেকচিন গ্ৰহণ কৰিছে । অফলাইন-অনলাইন দুয়োটা পদ্ধতিৰে ১৮ আৰু ৪৫ বছৰ উৰ্ধৰ সকলো লোকে এই সুবিধা গ্ৰহণ কৰিছে ।
শিবিৰটো আন এগৰাকী উদ্যোক্তা আৰিয়ান প্ৰসাদে প্ৰায় ৬,০০০ লোকক বিনামূলীয়া ভেকচিনৰ সুবিধা প্ৰদান কৰাৰ লক্ষ্য আগত ৰাখি বহুকেইজন স্বেচ্ছাসেৱীয়ে নিষ্ঠাৰে কাম কৰি আছে বুলি জানিবলৈ দিয়ে । তেওঁ লগতে সকলো লোককে ক’ভিড পৰীক্ষা কৰিহে ভেকচিন প্ৰদান কৰাৰ কথাহে জানিবলৈ দিয়ে ৷
লগতে পঢ়ক : সোণতলীত দুই ফৈদৰ পাৰিবাৰিক কন্দল: কিশোৰক হত্যাৰ চেষ্টা
