গুৱাহাটী, 8 আগষ্টঃ নগাঁৱৰ পৰা গুৱাহাটী অভিমুখে আহি থকা AS-02BC-2594 নম্বৰৰ এখন মাছ ভৰ্তি বলে'ৰ পিক আপ ভানৰ চকাৰ এক্সচেল ভাঙি যোৱাৰ ফলত ডিভাইদাৰৰ ওপৰেৰে উঠি আহি পিক আপ ভানখন আঠমাইল উৰণীয়া সেতুত 37নং ৰাষ্ট্ৰীয় ঘাই পথত দুৰ্ঘটনাত পতিত হয় । মাছ ভৰ্তি বাহনখন দুৰ্ঘটনাত পতিত হোৱাৰ পাছত বাহনখনত থকা মাছসমূহ ৰাজপথৰ ওপৰতে পৰি যায়। ৰাজপথত এনেদৰে মাছ পৰি যোৱাত পথেৰে অহা-যোৱা কৰা লোকসকলে গাড়ী ৰখাই মোনা,কাপোৰ আদিত ভৰাই যিয়ে যেনেকৈ পাইছে তেনেকৈ ভৰাই লৈ যায়।দুর্ঘটনাস্থলীত খানাপাৰা আৰক্ষী উপস্থিত হৈ তদন্ত আৰম্ভ কৰিছে।
মাছভৰ্তি বাহন দুর্ঘটনাগ্ৰস্তঃ ৰাজপথত মাছ ধৰিলে পথচাৰীয়ে
