অখিল গগৈৰ বিৰুদ্ধে এজাহাৰ

অসাংবিধানিক মন্তব্য কৰাৰ লগতে বিচ্ছিন্নতাবাদী শক্তিক উৎসাহ যোগোৱাৰ অভিযোগ অখিল গগৈৰ বিৰুদ্ধে ৷ উচ্চ সদন আৰু নিম্ন সদনে লোৱা সিদ্ধান্তৰ বিৰোধিতা কৰাটো অসাংবিধানিক আখ্যা

গুৱাহাটী, 10 আগষ্ট : অখিল গগৈৰ বিৰুদ্ধে জাঙুৰ খাই উঠিছে হিন্দুত্ববাদী সংগঠন । অখিল ভাৰত হিন্দু মহাসভা নামৰ এটা সংগঠনে অখিল গগৈৰ বিৰুদ্ধে দাখিল কৰে এজাহাৰ । 370 অনুচ্ছেদ বাতিল কৰা সন্দৰ্ভত অসাংবিধানিক মন্তব্য কৰাৰ লগতে বিচ্ছিন্নতাবাদী শক্তিক উৎসাহ যোগোৱাৰ অভিযোগ কৃষক মুক্তিৰ নেতাগৰাকীৰ বিৰুদ্ধে ৷ সংগঠনটোৰ সাধাৰণ সম্পাদক মুকুট চন্দ্ৰ ডেকাৰ মতে উচ্চ সদন আৰু নিম্ন সদনে লোৱা সিদ্ধান্তৰ বিৰোধিতা কৰাটো অসংবিধানিক । অখিল গগৈয়ে শিৰ ফুলাই ফুলাই 370 ধাৰা সন্দৰ্ভত কৰা মন্তব্যই বিচ্ছিন্নতাবাদীক উৎসাহ যোগাব । এই অভিযোগ তুলি সংগঠনটোৱে জালুকবাৰী আৰক্ষী থানাত এজাহাৰ দাখিল কৰে । সংগঠনটোৰ এজাহাৰৰ ভিত্তিত জালুকবাৰী আৰক্ষী থানাত অখিল গগৈৰ বিৰুদ্ধে 121/124(a)/294(a) ধাৰাত ৰুজু হৈছে গোচৰ ।