বিকল্প, শক্তিশালী, অঞ্চলিকতাবাদী দলৰ সন্ধানত কিৰিপ চলিহা

অসম আন্দোলনত শ্বহীদ হোৱা 855 জন নিৰীহৰ বিচাৰ নহ'ল যদিও এইবাৰ এনে হ'বলৈ দিব নোৱাৰি বুলি মন্তব্য কৰিলে কিৰিপ চলিহাই ৷ দৰকাৰ হলে তদন্তৰ বাবে সাংসদ গৰাকী নিজেই ওলাই আহিব বুলিও জানিবলৈ দিয়ে সংবাদমেলত

গুৱাহাটী, 27 ডিচেম্বৰঃ আঞ্চলিকতাবাদী নেতা তথা জাতীয় নায়ক সকল, যিয়ে আন্দোলন কৰি নেতা হৈছিল সেই সকলে ৰাজ্যৰ খিলঞ্জীয়া জনগণৰ আৱেগ বুজি নোপোৱাটো গৰিহণাৰ যোগ্য বুলি মন্তব্য কৰে প্ৰাক্তন সাংসদ কিৰিপ চলিহাই ৷ শুকুৰবাৰে গুৱাহাটী প্ৰেছ ক্লাৱত সংবাদমেল সম্বোধন কৰি এনেদৰে মন্তব্য কৰে প্ৰাক্তন সাংসদ গৰাকীয়ে ৷

লগতে নাগৰিকত্ব সংশোধনী আইনৰ বিৰোধিতাৰে আন্দোলনত শ্বহীদ হোৱা সকলৰ প্ৰতি বিজেপি দল আৰু ৰাজ্য চৰকাৰে কোনো ব্যৱস্থা গ্ৰহণ নকৰা সন্দৰ্ভত সৰৱ হৈ উঠিল কিৰিপ চলিহা । সংবাদমেলত চৰকাৰক গৰিহণা দিয়াৰ লগতে কংগ্ৰেছ চৰকাৰৰ দিনত প্ৰতিজন নিহত নিৰীহলৈ 10 লাখ টকা দিয়া হৈছিল বুলি মন্তব্য কৰে কিৰিপ চলিহাই ৷

নাগৰিকত্ব সংশোধনী আইন বিৰোধী আন্দোলনত পাঁচজনকৈ নিৰীহৰ মৃত্যু হোৱাৰ পাচতে বৰ্তমান লৈ শাসনাধীস্থ চৰকাৰে তদন্তৰ ঘোষণা নকৰাৰ কথাটো আশ্চৰ্যজনক বুলিও উল্লেখ কৰে সাংসদ গৰাকীয়ে ৷ অসম আন্দোলনত শ্বহীদ হোৱা 855 জন নিৰীহৰ বিচাৰ নহ'ল যদিও এইবাৰ এনে হ'বলৈ দিব নোৱাৰি বুলি মন্তব্য কৰিলে কিৰিপ চলিহাই ৷ দৰকাৰ হ'লে তদন্তৰ বাবে সাংসদ গৰাকী নিজেই ওলাই আহিব বুলিও জানিবলৈ দিয়ে সংবাদমেলত ।

আনহাতে, বিজেপি বিৰোধী সকলো শক্তিক এক গোট হৈ বিজেপি চৰকাৰক উৎখাত কৰাৰ আহ্বান জনালে প্ৰাক্তন সাংসদ গৰাকীয়ে । কেৱল সেয়াই নহয়, ৰাইজে কংগ্ৰেছ , বিজেপি অগপ সকলোৰে পৰা শিক্ষা পাইছে গতিকে এইবাৰৰ বিকল্প নতুন আঞ্চলিকতাবাদী দল, যি দল শক্তিশালী হ'ব লাগিব বুলিও স্পষ্ট ৰূপত প্ৰকাশ কৰিলে কিৰিপ চলিহাই । উৰিষ্যাৰ দৰে অসত শক্তিশালী ৰাজনৈতিক দল গঠন হ'ব লাগে বুলি মন্তব্য কৰে প্ৰাক্তন সাংসদ গৰাকীয়ে ৷

আৰু পঢ়কঃ নৱবৰ্ষ উদযাপনঃ কঠোৰ হ'ব মহানগৰ প্ৰশাসন !