গুৱাহাটী, 19 অক্টোবৰঃ ড্ৰাগছৰ অবৈধ ঘাটিলৈ পৰিণত হৈছে গুৱাহাটী মহানগৰী ৷ শণিবাৰে মহানগৰ আৰক্ষীয়ে সাতগাঁৱৰ প্ৰগতি নগৰ আৰু আমবাৰী অঞ্চলত অভিযান চলাই উৎখাত কৰে দুটাকৈ ড্ৰাগছৰ বৃহৎ ঘাটি । আৰক্ষীয়ে উক্ত ড্ৰাগছৰ ঘাটি দুটাৰ পৰা নিচাযুক্ত টেবলেট, মোবাইল, নগদ ধনসহ বুজন পৰিমাণৰ ড্ৰাগছ জব্দ কৰাৰ লগতে আটক কৰে পাঁচটাকৈ সৰবৰাহকাৰীক । ধৃত সৰবৰাহকাৰী কেইজন ক্ৰমে নুৰ ইছলাম মণ্ডল, আলাউদ্দিন আলী, চিকদেৱ গোলাম উছমানি ওৰফে তুলতুল, নাজিদুল ইছলাম আৰু শুকুৰ আলী । মহানগৰ আৰক্ষীয়ে ঘটনা সন্দৰ্ভত এটা গোচৰ ৰুজু কৰি আৰম্ভ কৰিছে ঘটনাৰ তদন্ত প্ৰক্ৰিয়া ।
মহানগৰীত দুটাকৈ ড্ৰাগছৰ ঘাটি উৎখাত
