নুনমাটিত পথৰ দাঁতিত উদ্ধাৰ মৃতদেহ

নুনমাটি থানৰ অন্তৰ্গত নুনমাটিৰ ১নং মাধৱপুৰ ৰেডক্ৰছৰ সন্মুখত পথৰ দাঁতিত শনিবাৰে উদ্ধাৰ হয় নুনমাটিৰ কল্পভট্ট চকৰ জয়ন্ত ডেকাৰ মৃতদেহ৷ নিশা কোনো দুৰ্বৃত্তই হত্যা কৰি পেলাই থৈ যোৱাৰ সন্দেহ স্থানীয় লোকৰ ৷

নুনমাটি, 3 আগষ্টঃ মহানগৰীৰ নুনমাটিত চাঞ্চল্যকৰ ঘটনা | নুনমাটি থানাৰ অন্তৰ্গত নুনমাটিৰ ১নং মাধৱপুৰ ৰেডক্ৰছৰ সন্মুখত পথৰ দাঁতিত শনিবাৰে উদ্ধাৰ হয় এজন যুৱকৰ মৃতদেহ ৷ মৃত যুৱক জন নুনমাটিৰ কল্পভট্ট চ'কৰ জয়ন্ত ডেকা (27) বুলি জানিব পৰা গৈছে ৷ মৃতদেহটোৰ কাষৰ পৰা উদ্ধাৰ হৈছে হেলমেট আৰু যুৱক জনৰ বাইক৷ নিশা কোনো দুৰ্বৃত্তই হত্যা কৰি পেলাই থৈ যোৱাৰ সন্দেহ কৰিছে স্থানীয় লোকে ৷ উল্লেখযোগ্য পুৱা প্ৰাতঃ ভ্ৰমণত অহা লোক সকলে যুৱক জনৰ মৃতদেহটো প্ৰত্যক্ষ কৰি নুনমাটি আৰক্ষীক খবৰ দিয়ে ৷ ইতিমধ্যে নুনমাটি আৰক্ষী ঘটনা স্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে GMCH লৈ প্ৰেৰণ কৰিছে ।