গুৱাহাটী, ১৬ জুলাইঃ এইবাৰ অনুষ্ঠিত নহ'ব পাৰে অসম বিধানসভাৰ বৰ্ষাকালীন অধিৱেশন । সাধাৰণতে জুলাই-আগষ্ট মাহত বিধানসভাৰ বৰ্ষাকালীন অধিৱেশন অনুষ্ঠিত হয় যদিও এইবাৰ মহামাৰী কৰ'ণাই সংহাৰী ৰূপ ধাৰণ কৰাৰ পৰিপ্ৰেক্ষিতত বৰ্ষাকালীন অধিৱেশনক লৈ অনিশ্চয়তাই দেখা দিছে । বৃহস্পতিবাৰে এই কথা প্ৰকাশ কৰিছে অসম বিধানসভাৰ প্ৰধান সচিব মৃগেন ডেকাই ।
ক'ভিড ত্ৰাসঃ অনিশ্চয়তাত বিধানসভাৰ বৰ্ষাকালীন অধিৱেশন তেওঁ কয় যে,বিধানসভাৰ শেষৰখন অধিৱেশন অন্ত পৰিছিল বিগত ২৪ মাৰ্চত । সেই মৰ্মে পুনৰ পৰৱৰ্তী অধিৱেশন অনুষ্ঠিত কৰাৰ সময় আহি পৰিছে যদিও COVID-19এ সৃষ্টি কৰা জটিল পৰিস্থিতিৰ বাবে অসুবিধাৰ সৃষ্টি হৈছে । যাৰ বাবে এই সময়ত অনুষ্ঠিত হ'বলগীয়া বিধানসভাৰ বৰ্ষাকালীন অধিৱেশনক লৈ সৃষ্টি হৈছে অনিশ্চয়তাৰ । ইফালে,চৰকাৰী এক শীৰ্ষ সূত্ৰই সদৰী কৰা মতে এনে পৰিস্থিতিত যিহেতু বিধানসভাৰ অধিৱেশন অনুষ্ঠিত কৰাটো সম্ভৱ নহয় গতিকে পৰিৱেশ-পৰিস্থিতিৰ গতি বিধিলৈ চাই ডিচেম্বৰ বা জানুৱাৰী মাহত একেবাৰে শীতকালীন অধিৱেশনহে অনুষ্ঠিত হোৱাৰ সম্ভাৱনা আছে ।
লগতে পঢ়কঃলক ডাউনে গতি সলালে জীৱনৰ...
