গুৱাহাটী, ১৯ জানুৱাৰী : ৰাজ্যত ভয়ংকৰ ৰূপ ধাৰণ কৰিছে ক’ভিড সংক্ৰমণে (COVID cases rapidly increasing in assam)। পূৰ্বৰ সকলো অভিলেখ ভংগ কৰি মঙলবাৰৰ দিনটোত ৮০৭২ গৰাকী লোক নতুনকৈ ক’ভিড আক্ৰান্ত হৈছে । তাৰ ভিতৰত ১৯৯৬ গৰাকী লোক কামৰূপ মহানগৰ জিলাত আক্ৰান্ত হৈছে (Covid update of Kamrup metro district) । ইতিমধ্যে ক’ভিডৰ দ্ৰুত সংক্ৰমণৰ প্ৰতি লক্ষ্য ৰাখি চৰকাৰে কঠোৰ নীতি নিৰ্দেশনা বান্ধি দিছে । ফলত বিগত এটা সপ্তাহৰ পৰা পদপথৰ খাদ্যৰ দোকানত গ্ৰাহকৰ সংখ্যা হ্ৰাস পোৱাত জীৱন জীৱিকাক লৈ চিন্তিত হৈ পৰিছে ক্ষুদ্ৰ ব্যৱসায়ীসকল ।
এই বিষয় সন্দৰ্ভত পথ ব্যৱসায়ী সংস্থা, অসমৰ সভাপতি চন্দন গোস্বামীয়ে কয় যে, পদপথৰ খাদ্যৰ দোকানত কৰণাৰ দ্ৰুত সংক্ৰমণ হোৱাৰ পিছত ৭০% গ্ৰাহকৰ সংখ্যা হ্ৰাস পাইছে । ব্যৱসায়ী সকলে সম্পূৰ্ণ ক’ভিড নীতি নিয়ম মানি দোকান খুলিছে যদিও গ্ৰাহকে তেওঁলোকৰ দোকানত খাবলৈ ভয় কৰা হৈছে (COVID affecting street food market in Guwahati) ।
যোৱা এমাহৰ পৰা গ্ৰাহকৰ সংখ্যা লাহে লাহে কমি আহিছিল যদিও বিগত সপ্তাহৰ পৰা ব্যৱসায় সম্পূৰ্ণ ৰূপে বন্ধ হৈ যোৱাৰ দৰেই হৈছে । কৰ’ণাৰ প্ৰথম আৰু দ্বিতীয় ঢৌৰ পিছত স্বাভাৱিক অৱস্থা ঘূৰি অহাত ব্যৱসায় লাহে লাহে ভাল হবলৈ ধৰাৰ পিছতে এতিয়া পুনৰ ক’ভিডৰ আগমণে বাৰুকৈয়ে বিপাঙত পেলাইছে পদপথৰ এই সকল ব্যৱসায়ীক ৷
উল্লেখযোগ্য যে, গুৱাহাটী মহানগৰীৰ পাণবজাৰত থকা প্ৰায় ২০০-২৫০ খন পদপথৰ খাদ্যৰ দোকান স্কুল কলেজীয়া ছাত্ৰ-ছাত্ৰীৰ ওপৰত নিৰ্ভৰশীল ৷ ইয়াৰোপৰি সন্ধিয়াৰ সময়ত অন্যান্য গ্ৰাহকে পদপথৰ খাদ্যৰ জুতি লবলৈ পাণবজাৰলৈ প্ৰায়েই যায় ৷ কিন্তু ক’ভিডৰ বাবে বৰ্তমান মানুহ বাহিৰলৈ ওলোৱা বন্ধ কৰাৰ লগতে বাহিৰত খাবলৈ ভয় কৰা হৈছে ।
ফলত এতিয়া এই ব্যৱসায়ী সকলৰ পানীত হাঁহ নচৰা অৱস্থাৰ সৃষ্টি হৈছে । সম্প্ৰতি, দৈনিক উপাৰ্জন হোৱাৰ টকাৰে পৰিয়াল পোহ-পাল দিয়া বাদেই দোকানৰ কৰ্মচাৰীক দিবলৈকো নোজোৰা অৱস্থা হৈছে পদপথৰ ব্যৱসায়ী সকলৰ । পূৰ্বতে ৪-৬ হাজাৰ দৈনিক বিক্ৰী হোৱা দোকান একোখনত এতিয়া দুহেজাৰ টকাৰ সামগ্ৰীও বিক্ৰী নোহোৱা পৰিস্থিতি হোৱাত স্বাভাৱিকতেই ব্যৱসায়ী সকল চিন্তিত হৈ পৰিছে ।
লগতে পঢ়ক : Omicron in Assam: ৰাজ্যৰ অধিকাংশ ক’ভিড পজিটিভ লোক আক্ৰান্ত হৈছে অ’মিক্ৰণত
