গুৱাহাটী, 25 ছেপ্টেম্বৰঃ ৰাজ্যৰ মহাবিদ্যালয় বিশ্ববিদ্যালয়ত এতিয়া নিৰ্বাচনী জোৱাৰ ৷ ছাত্ৰ একতা সভা দখলৰ প্ৰস্তুতিত ব্যস্ত ছাত্ৰ ছাত্ৰীৰ পৰা ছাত্ৰ সংগঠন সকলো ৷ ঐতিহ্যমণ্ডিত কটন বিশ্ববিদ্যালয়ৰ ছাত্ৰ সমাজো পিচ পৰি থকা নাই ৷ বুধবাৰে বিশ্ববিদ্যালয় খনৰ ছাত্ৰ একতা সভাৰ নিৰ্বাচনত প্ৰতিদ্বন্দিতাৰ বাবে বহু কেইজন প্ৰাৰ্থীয়ে মনোনয়ন দাখিল কৰে ৷ উল্লেখযোগ্য যে, বিশ্ববিদ্যালয় খনৰ 101 বছৰীয়া নিৰ্বাচনৰ ইতিহাসত প্ৰথম বাৰৰ বাবে এই বছৰ সাধাৰণ সম্পাদক পদৰ বাবে মনোনয়ন দাখিল কৰিছে এগৰাকী ছাত্ৰীয়ে ৷ ইয়াৰ পূৰ্ৱে সাধাৰণ সম্পাদক পদত কোনো ছাত্ৰীয়ে মনোনয়ন দাখিল কৰা নাছিল । ছাত্ৰী গৰাকী হৈছে পঞ্চম ষান্মাষিকৰ অসমীয়া বিভাগৰ ছাত্ৰী ঋষিকন্যা বাৎস্য ৷
অসমৰ ৰাজনৈতিক ক্ষেত্ৰ খনত বিশেষ ভাৱে প্ৰভাৱ পেলোৱা কটন বিশ্ববিদ্যালয়ৰ নিৰ্বাচনে সমগ্ৰ ৰাজ্যৰে গুৰুত্ব পাবলৈ সক্ষম হয় ৷ সেয়ে অহা 1 অক্টোবৰত অনুষ্ঠিত হ'ব লগা বিশ্ববিদ্যালয় খনৰ ছাত্ৰ একতা সভাৰ নিৰ্বাচনৰ ফলাফল কেনে হয় সেয়া নিশ্চিতভাৱে লক্ষণীয় হ'ব ৷
