গুৱাহাটী, 11 জুনঃ মহানগৰীৰ পানবজাৰৰ কটন বিশ্ববিদ্যালয়ৰ সন্মুখৰ পথখন মহানগৰীৰ অন্যতম এক ব্যস্ত পথ। ছাত্ৰ-ছাত্ৰীৰ লগতে বিভিন্ন অফিচ- কছাৰীৰ মানুহৰে ভৰি থকা এই পথ এতিয়া উদং। গৰম অহাৰ লগে লগে এই পথটোৰ কাষতে দেখিবলৈ পোৱা যায় বহু ডাব বিক্রেতাক। গৰম দিন কেইটা এই ডাব বিক্রেতা সকলৰ বাবে দুপইচা উপাৰ্জনৰ উত্তম সময়। গৰম আহিলে,তাপমাত্ৰাও উৰ্ধগামী হ'বলৈ ধৰিলে কিন্তু এইসকল ডাব বিক্রেতাৰ বেপাৰ একেবাৰে বেয়া । গৰম আহিলে মানুহে ডাব বিচাৰি ইয়ালৈ আহে যদিও এইবাৰ ডাব বিচাৰি অহা মানুহো নাই। স্কুল-কলেজ বন্ধ গতিকে ছাত্ৰ-ছাত্ৰীও নাই,অফিচ-কছাৰীতো মানুহৰ সমাগম অতিকৈ সীমিত গতিকে অফিচ-কাচাৰীৰ মানুহো নাই ডাব খবলৈ। মুঠতে কৰ'ণা ভাইৰাছে সমগ্ৰ বিশ্বৰ অৰ্থনীতি নিম্নগামী কৰি তোলাৰ সমান্তৰালে ডাব বিক্রেতা সকলৰো অৰ্থনৈতিক অৱস্থা জুৰুলা কৰি পেলাইয়ে।
পূৰ্বতে প্ৰতিদিনে একো একো জন ডাব বিক্রেতাই ১৫০০ ৰ পৰা ২০০০ টকাৰ ডাব বিক্ৰী কৰিবলৈ সক্ষম হৈছিল যদিও এইবাৰ কৰ'ণা ভাইৰাছৰ ভয়ত মানুহ ঘৰৰ পৰা ওলাই নহাৰ ফলত ডাব বিক্রেতা সকলৰ বিক্ৰী হ্ৰাস পাইছে। যোৱা তিনি দিন মহানগৰীত গৰমৰ প্ৰকোপ বৃদ্ধি পাইছে যদিও এই ডাব বিক্রেতাসকলে প্ৰতিদিনে ২০০ ৰ পৰা ৩০০ টকাৰে ডাব বিক্ৰী কৰিবলৈ সক্ষম হৈছে।
লগতে চাওকঃ বৰপেটা মেডিকেল কলেজ হাস্পতাল পৰিদৰ্শন মুখ্য সচিব কুমাৰ সঞ্জয়কৃষ্ণৰ
