গুৱাহাটী,২৮ ফেব্ৰুৱাৰীঃ গুজৰাটত শুকুৰবাৰে অনুষ্ঠিত এক গাম্ভীৰ্যপূৰ্ণ অনুষ্ঠানত মুখ্যমন্ত্ৰী সৰ্বানন্দ সোণোৱাললৈ আগবঢ়োৱা হয় ডঃ শ্যামাপ্ৰসাদ মুখাৰ্জী সন্মান । গুজৰাটৰ টেণ্ট চিটি নৰ্মদাত ইণ্ডিয়া ফাউণ্ডেচনৰ দ্বাৰা আয়োজিত আইডিয়াজ কনক্লেভ ২০২০ শীৰ্ষক অনুষ্ঠানত সোণোৱালক এই সন্মান আগবঢ়োৱা হয় । বৈদেশিক পৰিক্ৰমা মন্ত্ৰী এছ জয়শংকৰ আৰু মালদ্বীপৰ পিপলচ্ মজলিচৰ অধ্যক্ষ মহম্মদ নাছিদে মুখ্যমন্ত্ৰী সোণোৱালক বঁটাটি প্ৰদান কৰে । বঁটা গ্ৰহণ কৰি সোণোৱালে এই সন্মানে কৰ্তব্য আৰু দায়িত্ব বৃদ্ধি কৰা বুলি ধন্যবাদসূচক মন্তব্য প্ৰকাশ কৰে । উল্লেখ্য যে,বঁটা গ্ৰহণৰ পূৰ্বে ৰাজ্যৰ মুখ্যমন্ত্ৰীগৰাকীয়ে চৰ্দাৰ বল্লভ ভাই পেটেলৰ সু-উচ্চ প্ৰতিমুৰ্তি ষ্টেচু অৱ ইউনিটিয়ো দৰ্শন কৰে ।
