গুৱাহাটী, ১৫ জানুৱাৰী: মটৰ শ্ৰমিক সংগঠনৰ যৌথ মঞ্চই অহা ২৭ জানুৱাৰীত ৰাজ্যজুৰি চকাবন্ধৰ আহ্বান জনাইছে ৷ চৰকাৰী পক্ষই সংগঠনটোৰ দাবীসমূহ মানি নোলোৱাৰ বাবেই এই সিদ্ধান্ত ল'বলৈ বাধ্য হোৱা বুলি মটৰ শ্ৰমিক সংগঠনৰ যৌথ মঞ্চই জানিবলৈ দিছে ৷
লকডাউনৰ সময়চোৱাত বাহন চলাচলত নিষেধাজ্ঞা আৰোপ কৰাৰ পাছতো বাহনৰ কৰ ৰেহাই নিদিয়া, একাংশ চালক, কৰ্মচাৰীক চৰকাৰে গুৰুত্ব নিদিয়াৰ অভিযোগ উত্থাপন কৰিছে মটৰ শ্ৰমিক সংগঠনৰ যৌথ মঞ্চই । লগতে লকডাউনৰ ফলত কৰ্মহীন হৈ পৰা শ্ৰমিকসকলক সাহায্য প্ৰদান নকৰাত সংগঠনটোৱে ক্ষোভ প্ৰকাশ কৰিছে ৷
তাৰোপৰি বহিঃৰাজ্যলৈ যোৱাৰ ক্ষেত্ৰত থকা বাধাসমূহ আঁতৰাবলৈও দাবী তুলিছে চালকসকলে ৷ অহা ২৭ তাৰিখৰ ভিতৰত চৰকাৰে দাবীসমূহৰ প্ৰতি গুৰুত্ব প্ৰদান নকৰিলে পৰৱৰ্তী সময়ত পৰ্যায়ক্ৰমে ৪৮ আৰু ৭২ ঘন্টীয়া চকাবন্ধৰ কাৰ্যসূচী ৰূপায়ণ কৰিব বুলি জানিবলৈ দিছে মটৰ শ্ৰমিক সংগঠৰ যৌথ মঞ্চই ৷
লগতে পঢ়ক:শান্তি চুক্তিত স্বাক্ষৰ কৰিবলৈ সাজু আলোচনাপন্থী আলফা নেতা ৰাজু বৰুৱা
