নিউজ ডেস্ক,20মে’: দেশত ক’ৰণা মহামাৰীয়ে ভয়াৱহ ৰূপ ধাৰণ কৰাৰ সময়তে আনএক ব্যাধি ব্লেক ফাংগাছে দেশত এক জটিল পৰিস্থিতিৰ সৃষ্টি কৰিছে ৷ তাৰ মাজতে এক আশাৰ সঞ্চাৰ কঢ়িয়াই আনিছে আয়ুষৰ সঞ্চালক আলাগু ভাৰ্শিনিয়ে ৷
আয়ুষৰ সঞ্চালক আলাগু ভাৰ্শিনিয়ে কয় যে, আয়ুৰ্বেদিক ঔষধে এই ক’লা ভেঁকুৰ বা ব্লেক ফাংগাছৰ পৰা মৃত্যুৰ হাৰ হ্ৰাস কৰাৰ লগতে এই ৰোগৰ পৰা দ্ৰুতগতিত আৰোগ্য লাভ কৰাত সহায় কৰে ৷
উল্লেখযোগ্য যে, ক্ৰমাৎ বৃদ্ধি পোৱা ক’লা ভেঁকুৰ বা ব্লেক ফাংগাছৰ ঘটনাই সকলোকে চিন্তিত কৰাৰ সময়তে হায়দৰাবাদৰ ড৹ বি আৰ কে আৰ চৰকাৰী আৰ্য়ুবেদ মহাবিদ্যালয়ত সাংবাদিকৰ সৈতে হোৱা বাৰ্তালাপত আয়ুষৰ সঞ্চালক আলাগু ভাৰ্শিনিয়ে কয় যে, ক'লা ভেঁকুৰ বা ব্লেক ফাংগাছৰ ৰোগ হ’লে ৰোগী সকলক বিশেষ ভাৱে যত্ন লোৱাৰ প্ৰয়োজন আছে ৷
লগতে তেঁও কয়, চিকিৎসাৰ ক্ষেত্ৰত কিছুমান আৰ্য়ুবেদিক ঔষধ প্ৰদান কৰিলে ব্যক্তিজনৰ ৰোগ প্ৰতিৰোধ ক্ষমতা শক্তিশালী কৰাত সহায় কৰে ৷ যাৰ ফলত ৰোগীয়ে ব্লেক ফাংগাছৰ বিৰুদ্ধে দুই ধৰণে যুঁজ দিয়াত আৰ্য়ুবেদিক ঔষধে সহায় কৰে ৷
তাৰ ভিতৰত এটা হ'ল ৰোগ প্ৰতিৰোধীৰ ক্ষেত্ৰত যত্ন লোৱা আৰু আনটো হ'ল ৰোগী সকলক চিকিৎসালয়ত থকাৰ সময়সীমা হ্ৰাস কৰে ৷ একেদৰে এই ভয়াৱহ ৰোগবিধৰ পৰা মৃত্যু হোৱা সংখ্যা হ্ৰাস কৰে ।
সম্প্ৰতি আয়ুষে এই ক’লা ভেঁকুৰ বা ব্লেক ফাংগাছাৰ বিৰুদ্ধে যুঁজিবলৈ আৰু জনসাধাৰণক সহায় কৰিবলৈ এটা আৰ্য়ুবেদিক বিশেষজ্ঞ দল গঠন কৰি দিছে বুলি আলাগু ভাৰ্শিনিয়ে সদৰি কৰে ৷
লগতে পঢ়কঃ তেজপুৰ চিকিৎসা মহাবিদ্যালয়ত নিশা ছাডেন ভিজিট উপায়ুক্ত
