গুৱাহাটী, ৯ ফেব্ৰুৱাৰী : মাজুলীত সৰ্বানন্দ সোণোৱালৰ উত্তৰসূৰী কোন হ'ব তাকে লৈ দুজনীয়া প্ৰাৰ্থীৰ এক পেনেল প্ৰস্তুত কৰা হৈছে (Candidate panel for Majuli By-Election) । ৰাজ্যিক বিজেপিৰ এক শীৰ্ষ সূত্ৰই বুধবাৰে প্ৰকাশ কৰা এই তথ্য ৷ সোমবাৰে নিশা দিল্লীত সমষ্টিটোৰ প্ৰাক্তন বিধায়ক তথা বৰ্তমানৰ কেন্দ্ৰীয় মন্ত্ৰী সৰ্বানন্দ সোণোৱাল আৰু মুখ্যমন্ত্ৰী ড৹ হিমন্ত বিশ্ব শৰ্মাৰ মাজত অনুষ্ঠিত হোৱা এক বৈঠকৰ পিছত এই পেনেল প্ৰস্তুত কৰা হয় ।
সূত্ৰটোৱে সদৰী কৰা মতে, পেনেলত অন্তৰ্ভুক্ত হোৱা নাম দুটা হৈছে ক্ৰমে বৰ্তমানৰ লখিমপুৰৰ সাংসদ প্ৰদান বৰুৱা আৰু বহু বিতৰ্কিত ঠিকাদাৰ-ব্যৱসায়ী ভুৱন গাম । প্ৰদান বৰুৱা হৈছে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাৰ অতিকৈ ঘনিষ্ঠ ৷ আনহাতে ভুৱন গামৰ সৈতে আছে প্ৰাক্তন মুখ্যমন্ত্ৰী সৰ্বানন্দ সোণোৱালৰ অতি মধুৰ সম্পৰ্ক । তেনেক্ষেত্ৰত অৱশেষত কাৰ কপাল ফুলিব সেয়া ১২ ফেব্ৰুৱাৰীৰ ভিতৰত নিশ্চিত হ'ব ।
আনহাতে শেষ মূহুৰ্তত প্ৰাক্তন কংগ্ৰেছী মন্ত্ৰী ৰাজীৱলোচন পেগুও মাজুলীৰ উপ-নিৰ্বাচনত বিজেপিৰ প্ৰাৰ্থী হ'ব পাৰে বুলি ৰাজনৈতিক মহলত ব্যাপক চৰ্চা চলি আছে । ইতিমধ্যে পেগুৱে মাজুলী জিলা কংগ্ৰেছ সভাপতিগৰাকীয়ে পদত্যাগ কৰিছে যদিও এই পৰ্যন্ত বিজেপিত যোগদান কৰা নাই । ইপিনে যদিহে প্ৰদান বৰুৱাক প্ৰাৰ্থিত্ব প্ৰদান কৰা হয় আৰু তেওঁ জয়লাভ কৰে তেন্তে লখিমপুৰ লোকসভা সমষ্টিৰ উপ-নিৰ্বাচন অৱধাৰিত হ'ব ।
লগতে পঢ়ক : Congress MLAs in Meghalaya join BJP: অৱশেষত কংগ্ৰেছ শূণ্য হ’ল মেঘালয়
