গুৱাহাটী, ২৭ আগষ্ট : মুখ্যমন্ত্ৰীৰ কাৰ্যালয়ৰ নতুন সচিব হিচাপে নিযুক্তি দিয়া হৈছে প্ৰশাসনিক বিষয়া ভাস্কৰ পেগুক । সম্প্ৰতি গৃহ বিভাগৰ সচিব আৰু তিনিচুকীয়া জিলাৰ উপায়ুক্ত পদত কাৰ্যনিৰ্বাহ কৰি থকা ভাস্কৰ পেগুক বৃহস্পতিবাৰে এক নিৰ্দেশ যোগে মুখ্যমন্ত্ৰীৰ কাৰ্যালয়ৰ সচিব পদলৈ বদলি কৰা হয় ৷
আনহাতে ডিব্ৰুগড় জিলা পৰিষদৰ মুখ্য কাৰ্যবাহী বিষয়া তথা সোণোৱাল কছাৰী স্বায়ত্ব শাসিত পৰিষদৰ প্ৰধান সচিব দিগন্ত শইকীয়াক বদলি কৰা হৈছে তিনিচুকীয়াৰ নতুন উপায়ুক্ত হিচাপে । ইপিনে, ডিব্ৰুগড় জিলা উন্নয়ন আয়ুক্ত সঞ্জয় দত্তক ডিব্ৰুগড় জিলা পৰিষদৰ মুখ্য কাৰ্যবাহী বিষয়া আৰু সোণোৱাল কছাৰী স্বায়ত্ব শাসিত পৰিষদৰ প্ৰধান সচিব পদলৈ বদলি কৰা হৈছে ।
লগতে পঢ়ক : ৰাহুল গান্ধীৰ স্থান আন কোনো লোকে ল'ব নোৱাৰে: ৰিপুন বৰা
