গুৱাহাটী,১৬ জুন : প্ৰৱল বৃষ্টিপাতৰ বাবে মেঘালয়ত আৰম্ভ হৈছে ভূমিস্খলন (Landslides in Meghalaya due to heavy rains)। এই ভূমিস্খলনৰ ফলত বৰাকৰে যোগাযোগ ব্যৱস্থা বিচ্ছিন্ন হৈ পৰিছে । উল্লেখ্য় যে, বুধবাৰে নিশাৰ ভাগত বৰাক সংযোগী ৬ নম্বৰ ৰাষ্ট্ৰীয় ঘাইপথৰ মেঘালয়ত ভূমিস্খলনৰ ঘটনা সংঘটিত হয় (Barak Meghalaya disconnected)। এই ঘাইপথটোৰ কেইবাটাও স্থানত ভয়াৱহ ভূমিস্খলন হৈছে ।
মেঘালয় আৰক্ষীয়ে জনোৱা মতে, নিশা ৬ নং ৰাষ্ট্ৰীয় ঘাইপথৰ সোণাপুৰ আৰু লুমছুলুমত পুনৰ ভয়াৱহ ভূমিস্খলনৰ ঘটনা সংঘটিত হয় । এই ভূমিস্খলনত পথটোৰ বৃহৎ অংশ ছিগি যোৱাৰ ফলত কেইবাখনো বাহন ওপৰৰ পৰা তললৈ খহি পৰে ৷ লুমছুলুমত ভূমিস্খলনৰ ফলত কেইবা ফুট তলত আৱদ্ধ হৈছে কেইবাখনো বিলাসী বাহনসহ বৃহৎ ট্ৰাক (Truck-Vehicles enclosed at Lumsulum) ৷ অৱশ্য়ে এই ঘটনাত কথমপি প্ৰাণ ৰক্ষা পৰিছে বহুতো লোকৰ ।
উক্ত, পথটোত হঠাৎ ভূমিস্খলন হোৱাৰ ফলত ৰখাই থোৱা বাহনসমূহ তলত সোমাই পৰিছে । ইতিমধ্য়ে ভূমিস্খলনৰ বাবে পথটোত যান-বাহনৰ চলাচল বন্ধ হৈ পৰিছে । উল্লেখ্য় যে, বুধবাৰে সোণাপুৰ, লুমছুলুম আৰু থানছেনবস্তিৰ কেইবাটাও স্থানত ভূমিস্খলনৰ ফলত যান-বাহনৰ চলাচল বন্ধ হৈ পৰিছিল ।
আনহাতে, নিশা নতুনকৈ আৰু কেইবাটাও স্থানত ভূমিস্খলন হৈছে । বহুঠাইত ভূমিস্খলনে ভয়াৱহ ৰূপ লোৱাত পথটোত অনিৰ্দিষ্টকালৰ বাবে বন্ধ হৈ পৰিল যান-বাহনৰ চলাচল । ফলত অসমৰ লগতে আন আন ঠাইৰ সৈতে স্থলপথৰ যোগাযোগ বিচ্ছিন্ন হৈ পৰিছে বৰাক, ত্ৰিপুৰা, মিজোৰাম আৰু মণিপুৰৰ । ফলত হেজাৰ হেজাৰ ৰাইজৰ মাজত হাহাকাৰ লাগিছে ।
লগতে পঢ়ক : বুঢ়াদিয়া নৈৰ বাঢ়নী পানীয়ে ছিঙিলে বিহামপুৰ-মধুপুৰ সংযোগী মূল পথ
