বাইহাটা, 23 মে': এখনি উচ্ছেদৰ জাননীয়ে নিদ্ৰাহৰণ কৰিছে মুখ্যমন্ত্ৰী হিমন্ত বিশ্ব শৰ্মাৰ গৃহ সমষ্টি জালুকবাৰীৰ ডেৰ শতাধিক পৰিয়ালৰ । সমষ্টিটোৰ একমাত্ৰ চাহ বাগিচা মান্দাকাটা বাগিচাৰ ডেৰ শতাধিক পৰিয়ালক উচ্ছেদৰ জাননী দিছে বাগিচাৰ স্বত্বাধিকাৰী ভাস্কৰ বৰুৱাই ।
জালুকবাৰীৰ মান্দাকাটা বাগিচাৰ ডেৰ শতাধিক পৰিয়ালক উচ্ছেদৰ জাননী
প্ৰায় ডেৰশ বছৰ ধৰি বাগিচা খনৰ শ্ৰমিক হিচাপে কাম কৰি থকাৰ পিচত হঠাৎ তেওঁলোকক উচ্ছেদ কৰিব বিচৰা কাৰ্যত জাঙুৰ খাই উঠিছে শ্ৰমিকসকল । নিজ গাঁৱৰ মন্দিৰৰ চোতালত ক'ভিড প্ৰট’কল মানি সমবেত হয় তেওঁলোক ।
মালিক পক্ষৰ উচ্ছেদৰ জাননী বাতিল কৰাৰ দাবী কৰি তেওঁ লোকৰ জীৱন-মৰণৰ বিষয়টোত জালুকবাৰী সমষ্টিৰ বিধায়ক তথা মুখ্যমন্ত্ৰী হিমন্ত বিশ্ব শৰ্মাৰ হস্তক্ষেপ বিচাৰি কাতৰ আহ্বান কৰে ।
লগতে পঢ়ক : তেজপুৰ ঐতিহাসিক গণেশ মন্দিৰলৈ অশনি সংকেত বুঢ়া লুইতৰ
