বাইহাটা,1অক্টোবৰঃ মঙলবাৰে বাইহাটা চাৰিআলিত শোকৱহ পথ দুৰ্ঘটনা সংঘটিত হয় । বাইহাটা চাৰিআলি গোৰেশ্বৰ পথৰ মাৰুত সংঘটিত হোৱা এই দুৰ্ঘটনাত নিহত হয় এজন স্কুটি আৰোহী ৷ নিহত লোকজন মুক্তাপুৰ সূতাৰগাঁৱৰ বাপধন আলি বুলি চিনাক্ত কৰা হৈছে ।
বাইহাটা চাৰিআলিৰ পৰা গৃহ অভিমুখে AS 01 DH 9882 নম্বৰৰ স্কুটিৰে গৈ থকা অৱস্থাত এখন অচিনাক্ত বাহনৰ লগত মুখামুখি সংঘৰ্ষৰ ফলতে এই শোকাৱহ দুৰ্ঘটনাটো সংঘটিত হয় । ইপিনে দুৰ্ঘটনা সংঘটিত হোৱা প্ৰায় এঘণ্টা পিছতহে বাইহাটা চাৰিআলি থানাৰ আৰক্ষী উপস্থিত হয় যদিও 108 উপস্থিত নোহোৱাত ঘটনাস্থলীত উত্তেজনাপূৰ্ণ পৰিৱেশৰ সৃষ্টি হয় ।
বাইহাটা চাৰিআলিত পথ দুৰ্ঘটনা
