লক ডাউনৰ সময়ছোৱাত পাচলিৰ খেতিত লাগিছে জনপ্ৰিয় কন্ঠশিল্পী আচুৰ্য বৰপাত্ৰ

লক ডাউনৰ সময়ছোৱাত গোলাঘাটৰ সৰুপথাৰৰ গাঁৱৰ ঘৰখনত পাচলি খেতি কৰিছে অসমৰ জনপ্ৰিয় কন্ঠশিল্পী আচুৰ্য বৰপাত্ৰই ৷ লগতে বিশ্বৰ এই জটিল ক্ষণত সকলোকে সজাগ সচেতন হৈ দেশৰ লগতে পৃথিৱীখন বচাবলৈ আহ্বান জনাইছে কন্ঠশিল্পীগৰাকীৰ ৷

গুৱাহাটী,3 এপ্ৰিলঃ লকডাউনৰ সময়ছোৱাত জনপ্ৰিয় কন্ঠশিল্পী আচুৰ্য বৰপাত্ৰগোঁহাইয়ে কৰিছে পাচলিৰ খেতি । গোলাঘাটৰ সৰুপথাৰৰ নিজৰ গাঁৱৰ ঘৰখনত থাকি লক ডাউন মানি চলিছে আচুৰ্য বৰপাত্ৰগোঁহাইয়ে । নিজে ঘৰতে থকাৰ লগতে অসমৰ ৰাইজক লক ডাউন মানি চলি থাকিবলৈ আহ্বান জনালে শিল্পী গৰাকীয়ে ।

লক ডাউনৰ সময় খিনি বিপৰ্যয় যদিও এনেদৰে প্ৰতি বছৰে 10 দিনৰ বাবে হ'লেও লক ডাউনৰ প্ৰয়োজনীয়তা আছে বুলি মন্তব্য প্ৰকাশ কৰে আচুৰ্য বৰপাত্ৰগোঁহাইয়ে । লগতে এই সময়ে নষ্টালজিক কৰাৰ লগতে জীৱনৰ অৰ্থৰ বিষয়ে অনুভৱ কৰিব পাৰিছে বুলি ক'লে শিল্পী গৰাকীয়ে । লগতে সজাগ সচেতন হৈ দেশৰ লগতে পৃথিৱীখন বচাবলৈ আহ্বান জনোৱাৰ লগতে সকলো মানুহক সামাজিক দূৰত্ব বজাই ৰাখিবলৈ আহ্বান জনালে কন্ঠশিল্পীগৰাকীয়ে ৷

লগতে পঢ়কঃইণ্ডোৰ কাণ্ডকলৈ বি-টাউনবাসীৰ প্ৰতিক্ৰিয়া