নিউজ ডেস্ক, 30 আগষ্টঃ নামনি-সোৱণশিৰি জলবিদ্যুৎ প্ৰকল্পৰ বিৰুদ্ধে উচ্চতম ন্যায়ালয়ৰ দ্বাৰস্থ অসম সন্থা ৷ আমি বান্ধ বিৰোধী নহয়, কিন্তু এই প্ৰকল্পক লৈ আমি সন্তুষ্ট নহয় ৷ এই প্ৰকল্পত সালন-সলনিৰ প্ৰয়োজন বুলি উল্লেখ কৰে সংগঠনটোৰ শীৰ্ষ নেতা প্ৰদীপ কুমাৰ ভূঁঞাই ৷ লগতে কয়,বৰ্তমানৰ আন্তঃগাঁথনি মতে যদি এই বান্ধ গঠন কৰা হয় তেন্তে ৰাজ্যখনৰ নামনিৰ অংশৰ বাবে বিপদ সৃষ্টি কৰিব ৷ আনহাতে এই প্ৰকল্পই কেৱল মানৱ জীৱনলৈ নহয় বিভিন্ন বিলুপ্ত প্ৰায় প্ৰজাতিৰ বাবেও কঢ়িয়াই আনিব ভাবুকি ৷
উল্লেখ্য যে,নেশ্বনেল গ্ৰীণ ট্ৰিবিউনেলে শেহতীয়াকৈ এই বান্ধকলৈ পৰ্যটন আৰু বন বিভাগৰ দ্বাৰা গঠিত তিনিজনীয়া সদস্যক নিজৰ সন্মতি প্ৰদান কৰিছিল ৷ ৰাজ্যত এই মেগা জলবিদ্যুৎ প্ৰকল্পকলৈ ব্যাপক বিৰোধিতাৰ পিচতেই পৰামৰ্শ দিয়াৰ বাবে গঠন কৰা হৈছিল এই সমিতিৰ ৷ কিন্তু ৰাজ্যৰ অসম পাব্লিক ৱৰ্কছ নামৰ সংগঠনটোৱে এই বৃহৎ নদীবান্ধ প্ৰকল্পৰ বিৰুদ্ধে আন্দোলনৰ নেতৃত্ব বহন কৰি ড0 প্ৰভাস পাণ্ডে,ড0 আইডী গুপ্তা আৰু পিএম স্কটৰ সমিতিয়ে এই সন্দৰ্ভত পক্ষপাতমূলক প্ৰতিবেদন প্ৰকাশ কৰাৰ অভিযোগ উত্থাপন কৰিছিল সংগঠনটোৱে ৷
ইপিনে এই জলবিদ্যুৎ প্ৰকল্পটোক লৈ ভূঁঞাই কয়,এই প্ৰকল্পটোত বানপানী ৰোধ কৰাৰ ক্ষেত্ৰত থাকিবলগীয়া একো উপাদান নাই ৷ পূৰ্বৰ পৰাই এই অঞ্চলৰ লোক সকলে এই নদীৰ ওপৰতেই নিজৰ জীৱন নিৰ্বাহ কৰি আহিছে ৷ গতিকে যদি আশা কৰা অনুসৰি যদি এই প্ৰকল্প নিৰ্মাণ কৰা হয় তেন্তে এই অঞ্চলৰ লোকসকলৰ জীৱন-নিৰ্বাহ সম্পূৰ্ণ ৰূপে সলনি হৈ পৰিব বুলি উল্লেখ কৰে ৷
উল্লেখ্য যে,নেশ্বনেল গ্ৰীণ ট্ৰিবিউনেলৰ পক্ষত শুনানী দিয়াৰ পাচতেই পুনৰ উচ্চ ন্যায়ালয়ত সংগঠনটোৱে দ্বাৰস্থ হোৱাৰ সিদ্ধান্ত গ্ৰহণ কৰিছে সংগঠনটোৱে ৷
