গুৱাহাটী,8 ডিচেম্বৰঃ তথ্য অনুসৰি NRC ত নাম অন্তৰ্ভুক্ত হৈছিল ৰহিমা খাটুন নামৰ এগৰাকী মহিলাৰ ৷ যি গৰাকী ইতিমধ্যে বিদেশী বুলি চিহ্নিত কৰা হৈছিল ৷ কিন্তু পিছত মহিলা গৰাকীৰ নাম NRCৰ পৰা কৰ্তনৰ প্ৰসংগ উত্থাপন হোৱাত মহিলা গৰাকীয়ে ন্যায়ালয়ত তাৰ বিৰুদ্ধাচৰণ কৰি যুক্তি দৰ্শাইছিল যে মই যদি বিদেশীয়েই হও তেনেহ’লে NRC ত মোৰ নাম কেনেকৈ সন্নিৱিষ্ট হ’ল ৷
ইপিনে ৰহিমা খাটুনৰ এই গোচৰ ন্যায়ালয়ত চলি থাকোতেই DCR য়ে NRC কৰ্তৃপক্ষক জনাইছিল যে NRC ত মুঠ ১০,১৯৯ গৰাকী সন্দেহযুক্ত নাগৰিকৰ নাম অন্তৰ্ভুক্ত হৈছে ৷ DCRৰ উক্ত তথ্যৰ ভিত্তিত NRC কৰ্তৃপক্ষই তদন্ত কৰি জানিব পাৰিলে যে NRCত মুঠ ৪,৭৯৫ জন বিদেশী নাগৰিকৰ নাম অন্তৰ্ভুক্ত হৈছে ৷ এই সন্দৰ্ভত NRC কৰ্তৃপক্ষই উচ্চতম ন্যায়ালয়ক সোমবাৰে অৱগত কৰিছে ৷
