নতুন দিল্লী : কালিৰে পৰা আৰম্ভ হ’ল ডিচেম্বৰ মাহ ৷ কিন্তু পূৰ্বৰ বছৰসমূহৰ দৰে দিল্লীত এতিয়াও শীতৰ প্ৰভাৱ পৰা দেখা নাই ৷ সাধাৰণতে এই সময়ত ৰাজধানী চহৰত ঠাণ্ডাৰ মাত্ৰা অধিক হয় ৷ কিন্তু এইবাৰ পূৰ্বৰ দৰে সেই ঠাণ্ডাৰ সলনি মৃদু শীতৰহে অনুমান হৈছে ।
বতৰ বিজ্ঞান বিভাগে অনুমান কৰিছে যে ৰাজধানীবাসীয়ে ডিচেম্বৰৰ প্ৰথম চাৰি-পাঁচ দিন স্বাভাৱিকতকৈ কিছু গৰম অনুভৱ কৰিব আৰু তাৰ পিছত ক্ৰমান্বয়ে ঠাণ্ডাৰ মাত্ৰা বৃদ্ধি পাব ।
বৰ্তমানৰ দিল্লীৰ বতৰ :
বতৰ বিজ্ঞান বিভাগৰ তথ্য অনুসৰি, সোমবাৰে দিল্লীৰ সৰ্বোচ্চ তাপমাত্ৰা প্ৰায় ২৭ ডিগ্ৰী চেলছিয়াছ আৰু সৰ্বনিম্ন উষ্ণতা প্ৰায় ১১ ডিগ্ৰী চেলছিয়াছ হোৱাৰ সম্ভাৱনা আছে । পুৱা কিছু কুঁৱলীৰ প্ৰভাৱ দেখা গৈছিল ৷ আগন্তুক পাঁচ দিনত ইয়াৰ নূন্যতম তাপমাত্ৰা ২ৰ পৰা ৩ ডিগ্ৰী হ্ৰাস পোৱাৰ সম্ভাৱনা আছে ৷ আনকি ইয়াৰ মাত্ৰা ৮ৰ পৰা ৯ ডিগ্ৰীলৈ লৈও গতি কৰিব পাৰে । লগতে ইয়াৰ সৰ্বোচ্চ তাপমাত্ৰা ২৭ ডিগ্ৰীৰ পৰা ২৫ ডিগ্ৰীলৈ হ্ৰাস পাব পাৰে ।
#WATCH | Delhi: A thin layer of smog envelops the capital city as the AQI has been categorised as 'poor' according to the CPCB.
— ANI (@ANI) December 2, 2024
(Drone visuals from Nizamuddin, shot at 7:30 AM) pic.twitter.com/EGIjYupwjr
মঙলবাৰৰ পৰা বৃহস্পতিবাৰলৈ বতৰ একেদৰেই থকাৰ সম্ভাৱনা আছে ৷ আনহাতে আগন্তুক তিনিদিনত ইয়াৰ তাপমাত্ৰা হ্ৰাস পোৱাৰ লগে লগে ঠাণ্ডাৰ পৰিমাণো কিছু বৃদ্ধি পোৱাৰ সম্ভাৱনা আছে বুলি বতৰ বিজ্ঞান বিভাগে উল্লেখ কৰিছে ।
#WATCH | Trains' movement continues amid smog in Delhi. Visuals from New Delhi Railway Station.
— ANI (@ANI) December 2, 2024
AQI is categorised as 'very poor' according to the CPCB (Central Pollution Control Board). pic.twitter.com/dWgoKCuI2o
- বায়ুৰ গুণাগুণ :
কেন্দ্ৰীয় প্ৰদূষণ আৰু নিয়ন্ত্ৰণ ব’ৰ্ডৰ তথ্য অনুসৰি, ৰাজধানীখনত সোমবাৰে বায়ুৰ গুণাগুণ উন্নত হৈছে ৷ অৱশ্যে দিল্লীৰ এন চি আৰৰ অন্যান্য চহৰৰ বায়ুৰ গুণাগুণো সন্তোষজনক নহয় । সোমবাৰে পুৱা ৭:১৫ বজালৈকে দিল্লীৰ গড় বায়ুৰ গুণাগুণ সূচকাংক (AQI) ২৭৩ । দিল্লীৰ এন চি আৰৰ অন্যান্য চহৰৰ বায়ুৰ গুণাগুণসমূহ এনেধৰণৰ -
- ফৰিদাবাদৰ AQI ১৫৯
- গুৰুগ্ৰামৰ AQI ২০০
- গাজিয়াবাদৰ AQI ১৮৯
- গ্ৰেটাৰ নয়ডাৰ AQI ২১৬ আৰু
- নয়দাৰ AQI ১৮০
ইফালে
- চান্দনী চকৰ AQI ১৮৮
- আলিপুৰৰ AQI ২৬৬
- আয়া নগৰৰ AQI ২৬৪ আৰু
- ডিটিইউ এলেকাৰ AQI ২২৭
আনহাতে, দিল্লীৰ বহু অঞ্চলত ৩০০ৰ ওপৰত AQI ৰ মাত্ৰা ৰেকৰ্ড কৰা হৈছে ৷ যেনে-
- আনন্দ বিহাৰৰ AQI ৩০৩
- দ্বাৰকা ছেক্টৰৰ AQI ৮ ৩৬০
- আৰ টি অ’ জাহাংগীৰপুৰীৰ AQI ৩১০
- নেহৰু নগৰৰ AQI ৩৩৪ আৰু
- আৰ কে পুৰমৰ AQI ৩০৫
একে সময়তে আলিপুৰ, অশোক বিহাৰ আৰু বাৱানাৰ দৰে আন কিছুমান অঞ্চলত AQI ৰ মাত্ৰা ২০০ৰ ওপৰত ৰেকৰ্ড কৰা হৈছে বুলি সংবাদ সংস্থা ANI ত উল্লেখ কৰা হৈছে । (ANI)
