সম্প্ৰসাৰণ হ'ব সোণোৱাল মন্ত্ৰীসভা !

বুধবাৰে সংবাদ মাধ্যমৰ পৰা সম্পূৰ্ণ আঁতৰি  মন্ত্ৰীসভা সম্প্ৰসাৰণৰ বিষয়টোক লৈ মুখ্যমন্ত্ৰী সোণোৱালে আৰ এছ এছৰ শীৰ্ষ নেতৃত্ব আৰু ৰাজ্যিক বিজেপিৰ নেতৃবৃন্দৰ সৈতে ব্ৰহ্মপুত্ৰ অতিথিশালাত এক গুৰুত্বপূৰ্ণ আলোচনাত মিলিত হয় ৷

গুৱাহাটী, ১৪ নৱেম্বৰ: পুনৰ চৰ্চাত মন্ত্ৰীসভা সম্প্ৰসাৰণ । ইতিমধ্যে মুখ্যমন্ত্ৰী সৰ্বানন্দ সোণোৱালে আৰম্ভ কৰিছে কুচকাৱাজ । ডিচেম্বৰৰ ভিতৰতে সম্প্ৰসাৰণ হ'ব সোণোৱাল মন্ত্ৰীসভা ।

বুধবাৰে সংবাদ মাধ্যমৰ পৰা সম্পূৰ্ণ আঁতৰি মন্ত্ৰীসভা সম্প্ৰসাৰণৰ বিষয়টোক লৈ মুখ্যমন্ত্ৰী সোণোৱালে আৰ এছ এছৰ শীৰ্ষ নেতৃত্ব আৰু ৰাজ্যিক বিজেপিৰ নেতৃবৃন্দৰ সৈতে ব্ৰহ্মপুত্ৰ অতিথিশালাত এক গুৰুত্বপূৰ্ণ আলোচনাত মিলিত হয় ৷ । এই জৰুৰী বৈঠকখনত উপস্থিত থাকে আৰ এছ এছৰ শীৰ্ষ নেতা উল্লাস কুলকাৰ্ণী, বশিষ্ঠ বুজৰবৰুৱাৰ উপৰিও ৰাজ্যিক বিজেপিৰ সভাপতি ৰঞ্জিত দাস, সাংগঠনিক সম্পাদক ফনী শৰ্মা, বিজেপিৰ প্ৰভাৰী অজয় জামোৱাল আৰু মন্ত্ৰী ড: হিমন্ত বিশ্ব শৰ্মা ।

ইতিমধ্যে মন্ত্ৰীসভাত কোন অন্তৰ্ভুক্ত হব তাকে দিছপুৰ আৰু বিজেপিৰ ভিতৰচৰাত ব্যাপক চৰ্চা , জল্পনা-কল্পনা আৰম্ভ হৈছে । চৰ্চালৈ আহিছে বিধায়ক পদ্ম হাজৰিকা, শিলাদিত্য দেৱ, প্ৰশান্ত ফুকন, বিমল বৰা, ৰাজেন বৰঠাকুৰ আদিৰ লগতে সোণাৰি সমষ্টিৰ পৰা শেহতীয়াকৈ উপ নিৰ্বাচনত জয়ী হৈ অহা নৱনীতা সন্দিকৈৰ নাম ।

লগতে পঢ়কঃ ৰাফেল আৰু সাবৰিমালাৰ ৰায়দানৰ শেহতীয়া খবৰ LIVE UPDATE