গুৱাহাটী, ২০ ছেপ্টেম্বৰ: অৱশেষত ভিক্টৰ দাসক নিলম্বন কৰিলে শিক্ষা সঞ্চালকালয়ে (Victor Das suspended)৷ চৰকাৰী শিক্ষক হৈ কোচিং কৰাৰ অভিযোগত নিলম্বন কৰে শিক্ষা সঞ্চালকালয়ে । পূব পানীটেমা ৰাধাকৃষ্ণ যুগল মিলন প্ৰাথমিক বিদ্যালয়ৰ সহকাৰী শিক্ষক হিচাপে কৰ্মৰত আছিল ভিক্টৰ দাস ।
তৃতীয় চতুৰ্থ বৰ্গৰ নিযুক্তি প্ৰক্ৰিয়াত ধনৰ লেনদেন হোৱা বুলি টুইটাৰত অভিযোগ উত্থাপন কৰি গ্ৰেপ্তাৰ হৈছিল ভিক্টৰ দাসে । তেওঁ গ্ৰেপ্তাৰ হোৱাৰ পাছতে সিদ্ধাৰ্থ ভট্টাচাৰ্যকে ধৰি কেইবাগৰাকীও শাসকীয় পক্ষৰ মন্ত্ৰী-বিধায়কে চৰকাৰী শিক্ষক হৈ কোচিং চেন্টাৰ চলোৱাৰ বাবে ভিক্টৰ দাসৰ নিলম্বন কৰিব লাগে বুলি মন্তব্য কৰিছিল (Allegation against Victor Das)।
উল্লেখ্য যে অসম চৰকাৰৰ প্ৰতিটো পদৰ নিযুক্তিৰ বাবদ ৩ লাখ টকাৰ পৰা ৮ লাখ টকালৈ ধনৰ লেনদেন চলাৰ লগতে চাকৰি কিনা-বেচা প্ৰক্ৰিয়াৰ আঁৰত প্ৰাক্তন বিধায়ক থকা বুলিও অভিযোগ কৰিছিল । এই সন্দৰ্ভত মুখ্যমন্ত্ৰী, আৰক্ষী সঞ্চালক প্ৰধান, বিশেষ সঞ্চালক প্ৰধানক উদ্দেশ্যি টুইট কৰিছিল ভিক্টৰ দাসে । এই টুইটক কেন্দ্ৰ কৰি সামাজিক মাধ্যমত তীব্ৰ প্ৰতিক্ৰিয়াৰ হৈছিল । ইয়াৰ পাছতে পাণবজাৰ আৰক্ষীয়ে মাৰাথান জেৰা চলাই ৯ ছেপ্টেম্বৰত গ্ৰেপ্তাৰ কৰিছিল ভিক্টৰ দাসক(Teacher Victor Das arrested) ।
১৬ ছেপ্টেম্বৰত গুৱাহাটী উচ্চ ন্যায়লয়ে জামিন মঞ্জুৰ কৰিছিল ভিক্টৰ দাসৰ । ২৯ ছেপ্টেম্বৰলৈ অন্তৱৰ্তীকালীন জামিন মঞ্জুৰ কৰে গুৱাহাটী উচ্চ ন্যায়লয়ে । গুৱাহাটী উচ্চ ন্যায়ালয়ে জামিন মঞ্জুৰ কৰাৰ পাছতে শনিবাৰে মুকলি আকাশৰ তললৈ আহে ভিক্টৰ দাস (Victor Das got bail)।
লগতে পঢ়ক: বিজেপি চৰকাৰে কৰ বৃদ্ধিৰে অসমৰ ৰাইজৰ ভৱিষ্যত অন্ধকাৰাচ্ছন্ন কৰি তুলিছে : লুৰীণজ্যোতি
