গুৱাহাটী, 24 এপ্ৰিল : দুদিনীয়া ভ্ৰমণসূচীলৈ অসমলৈ আহিছে ধৰ্মগুৰু শংকৰাচাৰ্য স্বামী নিশ্চলানন্দ সৰস্বতী মহাৰাজ (Jagadguru Shankaracharya Swami arrives in Guwahati)। গুৱাহাটীত উপস্থিত হোৱাৰ পিছত ধৰ্মগুৰু জনে মহানগৰীৰ জু নাৰেংগী ৰোডস্থিত সাদিন-প্ৰতিদিন গোষ্ঠীৰ স্বত্বাধিকাৰী জয়ন্ত বৰুৱাৰ বাসগৃহত দেওবাৰে পুৱাৰ ভাগত উপস্থিত হয় ।
ধৰ্মগুৰু জনাক উষ্ম আদৰণি জনাই জয়ন্ত বৰুৱাৰ লগতে তেখেতৰ পৰিয়ালবৰ্গই । ইফালে ধৰ্মগুৰুজনাক সাক্ষাৎ কৰাৰ উদেশ্য জয়ন্ত বৰুৱাৰ বাসগৃহত উপস্থিত হয় ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই । মুখ্যমন্ত্ৰী গৰাকীয়ে ধৰ্মগুৰুজনাক সাক্ষাৎ কৰি অসম তথা অসমবাসীৰ সুখ শান্তিৰ কামনা কৰি তেখেতৰ পৰা আশীৰ্বাদ বিচাৰে ।
উল্লেখ্য যে, ধৰ্মগুৰুজনাই অসমকে ধৰি ভাৰত বৰ্ষৰ বিভিন্ন প্ৰান্তত কেইবাখনো ধৰ্ম সভাত অংশগ্ৰহণ কৰাৰ বাবে বিভিন্ন কাৰ্যসূচী হাতত লৈছে । ইয়াৰে অংশ হিচাপে পুৰীৰ পৰা আৰম্ভ হৈ বিহাৰ, নেপাল, ৰাজস্থানকে ধৰি কেইবাটা স্থানৰ ধৰ্মীয় স্থানত উপস্থিত হোৱাৰ পিছত দেওবাৰে পুৱাৰ ভাগত গুৱাহাটীত উপস্থিত হয় ধৰ্মগুৰু জনে ।
ইফালে গুৱাহাটী পৌৰ নিগমৰ নিৰ্বাচনত কংগ্ৰেজে এখনো আসন দখল কৰিব নোৱাৰা সন্দৰ্ভতো প্ৰতিক্ৰিয়া ব্যক্ত কৰে মুখ্যমন্ত্ৰী ড৹ শৰ্মাই (Assam CM reaction on GMC Election results)।
লগতে পঢ়ক : ঢোল-পেঁপা বজাই দিল্লীত সোণোৱালৰে বিহু উপভোগ প্ৰধানমন্ত্ৰীৰ
